چینوٹ: بس اور مسافر وین میں تصادم سے 5افراد جاں بحق،12زخمی

چینوٹ:ضلع چینیوٹ کے علاقے لالیاں میں بس اور مسافر وین میں تصادم سے 5افراد جاں بحق جبکہ 12 کے قریب زخمی ہوگئے
ریسکیوحکام کے مطابق حادثہ  لاری اڈا میں پیش آیا جہاں بس نے مخالف سمت سے آنے والی مسافر کو ٹکر مار دی جس سے 5افراد موقع پر دم توڑ گئے جبکہ 12افراد شدید زخمی ہو گئے۔
ذرائع کا کہناہے کہ حادثے کا شکار ہونے والی مسافر وین سرگودھا سے فیصل آباد جا رہی تھی اور اوررٹیکنگ کے دوران تیز رفتاری کی وجہ سے حادثہ کا شکار ہو گئی۔

 ریسکیو اہلکاروں نے مرنے والے تمام افراد او رزخمیوں کو ڈی ایچ کیو ہسپتال منتقل کردیا جہاں زخمیوں کا علاج معالجہ جاری ہے۔

دوسری جانب وزیراعلیٰ پنجاب مریم نواز شریف نے چنیوٹ کے قریب ٹریفک حادثے میں قیمتی انسانی جانوں کے ضیاع پر افسوس کا اظہار کیا۔

انہوں نے ہدایت کی کہ زخمی مسافروں کے علاج کی بہترین سہولیات مہیا کی جائیں۔