پی ایس ایکس میں تیزی کا رجحان ،100 انڈیکس میں 800 پوائنٹس سے زائد کا اضافہ

پاکستان اسٹاک ایکس چینج میں تیزی کا رجحان دیکھنے کو ملا، جہاں 100 انڈیکس میں 800 پوائنٹس سے زائد کا اضافہ ہوا ہے۔

پاکستان اسٹاک ایکس چینج کے 100 انڈیکس میں 8 سو پوائنٹس کے اضافے کے ساتھ انڈیکس1 لاکھ 18 ہزار 800 کی ریکارڈ سطح پر پہنچ گیا، جو کہ ایک مثبت اشارہ ہے کہ مارکیٹ میں استحکام اور ترقی کی جانب گامزن ہے۔

ماہرین کا کہنا ہے کہ مارکیٹ میں حالیہ تیزی سرمایہ کاری کے لحاظ سے خوش آئند ہے اور یہ ایک اہم اقتصادی اشارہ ہے کہ پاکستانی معیشت کی بنیاد مضبوط ہو رہی ہے۔

سرمایہ کاروں کو مزید منافع کی توقع ہے اور اس سے ملکی معیشت میں بہتری کی امیدیں بڑھ گئی ہیں۔