روسی صدر کا دورہ پاکستان کا تاحال کوئی شیڈول طے نہیں ہوا ، ترجمان دفتر خارجہ

ترجمان نے دفتر خارجہ  کا  روس کے صدر ولادیمیر پیوٹن کے دورہ پاکستان سے متعلق میڈیا رپورٹس پررد عمل دیتے ہوئے کہنا تھا کہ پاکستان اور روس قریبی شراکت دار اور دوست ہیں۔اگر چہ دونوں ملکوں کی جانب سے سربراہان کی سطح پر ایک دوسرے کو دعوت نامے دئے گئے ہیں تاہم روسی صدر کے دورہ پاکستان کے حوالے سے تا حال کوئی شیڈول نہیں ہے۔

مزید پڑھیں : سرکاری یونیورسٹیز اور کالجز میں گرمی کی چھٹیوں کا اعلان

زاہد حفیظ چوہدری نے کہا  کہ پاکستان اور روس قریبی شراکت دار اور دوست ہیں۔دونوں ممالک اس طرح کے مستحکم کثیر الجہتی تعلقات کیلئے پر عزم ہیں جو نہ صرف دونوں ملکوں کے قومی بلکہ عالمی امن و سلامتی کیساتھ ساتھ خطے کے بہتر مفاد میں بھی ہوں۔ اعلی سطح پر دوروں کا تبادلہ بڑھتے ہوئے پاک روس تعلقات کا اہم حصہ ہے۔

خیال رہے کہ رواں سال اپریل میں روس کے وزیر خارجہ سرگئی لاووروف نے اسلام آباد کا کامیاب دورہ کیا تھا جبکہ گزشتہ سال پاکستان کے وزیر خارجہ شاہ محمود قریشی اور وزیر دفاع پرویز خٹک نے رشین فیڈریشن کے دورے کئے تھے۔