اداکارہ ایمن سلیم نے اداکاری چھوڑنے کا اعلان کردیا

تفصیلات کے مطابق سوشل میڈیا پر اپنے مداحوں کو آگاہ کرتے ہوئے اداکارہ ایمن سلیم کا کہنا ہے کہ اب وہ اداکاری نہیں کریں گی لیکن اداکارہ نے اپنے مستقبل کے حوالے سے اپنے مداحوں کو بہت جلد آگاہ کرنے کی یقین دہانی بھی کرائی ہے ۔

اداکارہ نے انسٹا گرام پر ایک سٹوری شیئر کرتے ہوئے لکھا ہے کہ وہ شوبز انڈسٹری سے محبت کرتی ہیں اور اس کے ساتھ ہی جڑی رہیں گی۔

یاد رہے کہ اداکارہ ایمن سلیم مشہور کرکٹر سلیم ملک کی بیٹی ہیں ۔ اداکارہ کو مشہور بھارتی کرکٹر ویرات کوہلی کی بیوی اداکارہ انوشکا شرما کا ہم شکل بھی قرار دیا جاتا ہے۔