آرمی چیف سے ترک بری فوج کے کمانڈر کی ملاقات ، آئی ایس پی آر

پاکستانی فوج کے شعبہ تعلقات عامہ (آئی ایس پی آر) کے مطابق  آرمی چیف جنرل قمر جاوید باجوہ سے ترک بری فوج کے کمانڈر جنرل امت دندار نے  ملاقات کی ہے۔اس ملاقات میں باہمی دلچسپی کے امور، دفاعی اور سکیورٹی تعاون پر تبادلہ خیال کیا گیا ہے۔

اس موقع پر آرمی چیف جنرل قمر جاوید باجوہ نے کہا کہ  ترکی کے ساتھ برادرانہ تعلقات کو کلیدی اہمیت دیتے ہیں، پاکستان اورترکی تاریخی، ثقافتی اور مذہبی رشتوں میں بندھے ہیں۔

آئی ایس پی آر کا کہنا ہے کہ  ملاقات میں دوطرفہ سطح پر فوجی روابط کو مزید مستحکم کرنے پر اتفاق کیا گیا ہے، دونوں ممالک کے مابین تربیتی، انسداد دہشتگردی امور میں تعاون میں وسعت پر بھی اتفاق کیا گیا ہے۔ جنرل امت نے علاقائی امن و استحکام کیلئے پاکستان کے کردار کو سراہا ہے۔