چوتھاٹی ٹوئنٹی: شاہینوں کو بری طرح شکست ،سیریز کیویز کے نام

ماونٹ مونگانوئی:کیویز نےٹی ٹوئنٹی سیریز کے چوتھے میچ میں شاہینوں کو115 رنز کے مارجن سے بری طرح شکست دیتے ہوئے 5 میچوں کی سیریز میں 3-1 کی برتری حاصل کر لی،یہ رنز کے اعتبار سے یہ پاکستان کی سب سے بڑی شکست ہے۔
پاکستان کی جانب سے عرفان خان نیازی 24 اور عبدالصمد 44 رنز بنا کر نمایاں رہے اس کےعلاوہ کوئی بھی دوسرا بلے باز ڈبل فیگر میں داخل نہ ہو سکا۔
نیوزی لینڈ کی جانب سےجے ڈفی4 زی فولکس 2ایش سوڈی، جیمی نیشم اورول اوررکے نے ایک ایک وکٹ حاصل کی۔
ماونٹ مونگانوئی کے بے اوول کرکٹ اسٹیڈیم میں کھیلے جانے والے میچ میں کیوی ٹیم نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 220 رنز بنائے۔
نیوزی لینڈ کی جانب سے اوپنر ٹم سیفرٹ اور فن ایلن نے ٹیم کو جارحانہ آغاز فراہم کیا تاہم سیفرٹ 44 رنز بناکر وکٹ گنوا بیٹھے، بعدازاں فن ایلن نے 19 گیندوں پر 50 رنز کی اننگز کھیل کر آؤٹ ہوئے۔ دیگر کھلاڑیوں میں مارک چیمپمین 24، جیمز نیشم اور مچل ہے 3، 3 رنز بناکر پویلین روانہ ہوئے جبکہ ڈیرل مچل 29 رنز کے مہمان ثابت ہوئے۔
میچ کے اختتامی اوورز میں کپتان مائیکل بریسویل نے 26 گیندوں پر 46 رنز کی اننگز کھیلی۔
 پاکستان کی جانب سے حارث رؤف نے 3، ابرار نے 2 جبکہ عباس آفریدی نے ایک وکٹ حاصل کی۔