یوم پاکستان پر بلوچستان کے شہر ڈیرہ بگٹی میں شاندار ریلی نکالی کا انعقاد

ڈیرہ بگٹی :یوم پاکستان پر بلوچستان کے شہر ڈیرہ بگٹی میں شاندار ریلی کا انعقاد کیا گیا۔
 ریلی کی قیادت ٹاؤن چیئرمین سوئی عزت اللہ امان بگٹی اور اسسٹنٹ کمشنر نے کی،جس میںعوام کی کثیر تعداد نے شرکت کی۔
یوم پاکستان ریلی کے شرکا نے قومی پرچم تھامے ہوئے ملی نغمے گائے اور وطن کی ترقی و خوشحالی میں بھرپور کردار ادا کرنے کا عزم کیا۔
یوم پاکستان پر خصوصی پیغام میں وزیراعلیٰ بلوچستان سرفراز بگٹی نے کہا کہ یہ دن ہمیں یکجہتی، قربانی اور حب الوطنی کی یاد دلاتا ہے، پاکستان کو درپیش چیلنجز سے نمٹنے کے لیے ریاست ہر ممکن اقدامات کر رہی ہے۔
اپنے پیغام میں سرفراز بگٹی نے مزیدکہا کہ دشمن کے ناپاک عزائم خاک میں ملا دیں گے، ملک و قوم کی سلامتی اور ترقی کے لیے ہر قربانی دینے کا عہد کرنا ہوگا۔
انہوں نے کہا کہ دہشت گردوں اور سہولت کاروں کے لیے بلوچستان میں کوئی جگہ نہیں، سیکیورٹی فورسز اور عوام کی قربانیاں رائیگاں نہیں جائیں گی۔