غیر ملکی خاتون ایجنٹس لوگوں کو کیسے جاسوسی پر قائل کررہی ہیں ؟اداروں کا انکشاف

تفصیلات کے مطابق ملک دشمن ایجنسیوں کا جاسوس سرگرمیوں کے لیے سرگرم ہونے کا انکشاف ہوا ہے،جی پی ایس ایپلی کیشن کی تیاری کے عمل میں معاونت کے ذریعے جاسوسی کی کوشش کا انکشاف ،ملک دشمن ایجنسیاں رقم کا لالچ دے کرجاسوسی کی کاروائیوں کے لئے اکسانےلگیں  ہیں ۔

وفاقی حکومت کی جانب سے تمام وزارتوں ڈویژنوں اور چیف سیکرٹریز کو مراسلہ ارسال کردیاگیا، مراسلے میں جاسوس کاروائیوں  کے طریقہ کار سے خبردار کردیاگیا۔

مراسلہ میں کہا گیا ہے کہ  خاتون انٹیلیجنس افسران رقم کا لالچ دے کر جاسوسی پر قائل کرنےکی کوشش کرتی ہیں، جی پی ایس ایپلی کیشن تیار کرنے کاکہ کر رجسٹریشن کرانے کا کہاجاتاہے ،رجسٹریشن کے ذریعے شہریوں کی ذاتی معلومات حاصل کی جاتی ہیں ، رجسٹرڈ ہونےو الے افراد کو بعد میں جاسوسی کرنے پر اکسایاجاتاہے ۔

مراسلہ   کے مطابق حساس تنصیلات کے گرد رہنے والے افراد کو ٹارگٹ کیاجاتاہے، رجسٹرڈ ہونےو الے افراد کو اپنے اردگرد کے مقامات کی تصاویر بھیجنے کا کہاجاتاہے، ہر تصویر کے عوض ادائیگی کرنے کی پیش کش کی جاتی ہے ، ماہانہ ادائیگی کا لالچ دے کر بھی افراد کو پھنسایاجاتاہے۔