قطر میں مقیم بھارتی آئی ٹی انجینئر کو جاسوسی کے الزام میں گرفتار

قطر میں مقیم بھارتی آئی ٹی انجینئر کو جاسوسی کے الزام میں گرفتار کر لیا گیا ہے۔

غیر ملکی خبر رساں ایجنسی کے مطابق قطری حکومت نے قطر میں مقیم بھارتی آئی ٹی انجینئر امیت گپتا کو ڈیٹا چوری اور جاسوسی کے الزام میں گرفتار کر لیا گیا ہے۔ گپتا کو قطر کی ریاستی سکیورٹی نے تین ماہ سے حراست میں رکھا ہوا ہے۔

بھارتی آئی ٹی انجینئر پر ڈیٹا چوری اور دوسری ریاستوں کے لیے جاسوسی کے سنگین الزامات ہیں، امیت گپتا ٹیک مہندرا نامی آئی ٹی فرم میں سینئر عہدیدار تھا۔

قطری حکام امت گپتا کے والدین کو بھی بیٹے سے ملاقات کی اجازت نہیں دے رہے ہیں، قطری حکام کا کسی قسم کی وضاحت نہ دینا معملات کی سنگینی کو ظاہر کرتا ہے۔

عالمی میڈیا کے رپورٹ کے مطابق قطر میں بھارتی جاسوسوں کی حراست کا یہ پہلا واقعہ نہیں، 2022 میں قطری سکیورٹی نے 8 بھارتی بحریہ کے اہلکاروں کو اسرائیل کے لئے جاسوسی کرنے کے الزام میں سزائے موت سنائی تھی۔

ان اہلکاروں نے اسرائیلی انٹیلی جنس کو حساس سب میرین سے متعلق معلومات فراہم کی تھیں، 2023 میں انہیں سزائے موت سنائی گئی، مگر فروری 2024 میں قطری امیر کے حکم پر رہا کر دیا گیا ہے۔