پنجاب اور خیبرپختونخوا کے سرحدی علاقے جھنگی میں پولیس چیک پوسٹ پر راکٹ حملہ

تونسہ میں دہشت گردوں نے پنجاب اور خیبرپختونخوا کے سرحدی علاقے جھنگی میں پولیس چیک پوسٹ پر حملہ کردیا۔

ڈی پی او ڈیرہ غازی خان سید علی کاظمی کے مطابق دہشت گردوں نے جھنگی پولیس چوکی پر راکٹ فائر کیے جس کے بعد پولیس نے تھرمل کیمروں کی مدد سے جوابی کارروائی کی۔

پولیس نے بتایا کہ بھرپور اور مؤثر کارروائی پر ایک دہشت گرد مارا گیا جبکہ باقی فرار ہوگئے جبکہ حملے میں  پولیس کا کوئی جانی نقصان نہیں ہوا۔

یاد رہے کہ رواں ماہ پنجاب خیبرپختونخوا کے سرحدی علاقوں میں دہشت گردوں کا یہ آٹھواں حملہ ہے۔ اس سے قبل گزشتہ روز پنجاب پولیس نے رحیم یار خان میں کچے کے علاقے میں کریمنلز کے خلاف بڑی کارروائی کرتے ہوئے خطرناک ڈاکو شاہ میر عرف میرا کوش اور حکیم کوش کو ہلاک کیا۔

ہلاک ڈاکو گزشتہ سال کچہ ماچھکہ میں 12 پولیس اہلکاروں کی شہادت میں مرکزی ملزم تھے۔

گزشتہ سال 22 اگست کو ماچھکہ میں ڈاکوؤں نے حملہ کرکے پولیس کے 12 جوانوں کی شہید کیا تھا۔