تہران میں پاکستان کا قومی دن بھر پور جوش و خروش سے منایا گیا

تہران : ایران کے دار الحکومت تہران میں یوم پاکستان بھر پور جوش و خرش سے  منایا گیا اور اس حوالے سے ایک تقریب کا انعقاد بھی کیا گیاْ۔
ایران میں مقیم پاکستانی سفیر محمد مدثر ٹیپو پاکستان ہاؤس میں پاکستانی کمیونٹی کے ساتھ پاکستانی پرچم کشائی کی تقریب کی میزبانی کی۔
تقریب کا آغاز تلاوت قرآن پاک سے ہوا جس کے بعد پاکستان اور ایران دونوں کے قومی ترانے بجائے گئے،جبکہ اس موقع پر صدر مملکت اور وزیراعظم پاکستان کے پیغامات بھی پڑھ کر سنائے گئے۔

سفیر ٹیپو نے مہمانوں کا استقبال کیا اور پاکستان کے قومی دن کی تاریخی اہمیت پر روشنی ڈالی۔ انہوں نے کہا کہ پاکستان اور ایران ہمیشہ ایک دوسرے کے ساتھ کھڑے ہیں۔ دونوں ممالک مختلف علاقائی اور بین الاقوامی مسائل پر ایک دوسرے کے موقف کو سمجھتے اور ان کی تعریف کرتے ہیں۔ 
سفیر نے کہا کہ ایران اور پاکستان کے درمیان تاریخی اور ثقافتی تعلقات ہیں جو وقت کے ساتھ ساتھ مزید مضبوط ہوئے ہیں۔ پاکستان کی ثقافت اور فن کی بھرپور تاریخ ہے اور یہ قدیم تہذیبوں کا گہوارہ ہے۔ 
دلکش مناظر، دلکش پہاڑی سلسلے اور گہرا سمندر پاکستان کے ساحلوں کی دنیا میں مثال نہیں ملتی۔تقریب میں پاکستانی اور ایرانی بھائیوں کی بڑی تعداد نے شرکت کی۔