امریکہ اور یوکرین کے درمیان نایاب زمینوں کے حوالے سے معاہدہ طے پا چکا

امریکی صدر ڈونلڈ ٹرمپ نے کہا کہ  امریکہ اور یوکرین کے درمیان نایاب زمینوں کے حوالے سے معاہدہ طے پا چکا ہے جس پر جلد دستخط کیے جائیں گے۔

صدر ٹرمپ نے مزید کہا کہ امریکہ یوکرین کے پاور پلانٹس کی ملکیت پر بھی بات کر رہا ہے مشرق وسطیٰ میں کشیدگی کم کرنے کے لیے اقدامات کیے جا رہے ہیں، اور ان کی پہلی صدارتی مدت میں اس خطے میں کوئی بڑا مسئلہ نہیں تھا۔

انہوں نے کہا کہ مستقبل میں مزید ممالک کے ساتھ ابراہم معاہدے کیے جائیں گے تاکہ خطے میں استحکام لایا جا سکے اس کے علاوہ گرین لینڈ کے معاملے پر بات کرتے ہوئے صدر ٹرمپ نے کہا کہ گرین لینڈ ہمیں بلا رہا ہے ہم انہیں نہیں بلا رہے اور یہ کہ گرین لینڈ کا معاملہ امریکہ کی سلامتی سے جڑا ہوا ہے۔

امریکی صدر ڈونلڈ ٹرمپ نے کابینہ کے اجلاس کے دوران مختلف عالمی امور پر گفتگو کرتے ہوئے کہا کہ  یوکرین میں جاری جنگ کے خاتمے کی امید ظاہر کرتے ہوئے کہا کہ اس سے امریکہ کے اربوں ڈالر بچ سکتے ہیں۔