صیہونی فورسز کی بربریت جاری، گزشتہ 24 گھنٹوں میں مزید 40 فلسطینی شہید، 120 زخمی

اسرائیل کا جنگی جنون کم ہوا اور نہ غزہ میں ظلم وجبر کی داستان ختم ہوئی، گزشتہ 24 گھنٹوں میں مزید 40 فلسطینی شہید، 120 زخمی ہوگئے۔

عرب میڈیا کے مطابق شمالی غزہ میں اسرائیلی حملوں میں 40 فلسطینی شہید ہوئے ہوگئے۔ حماس کے ترجمان عبداللطیف القنوعہ کو جبالیہ میں شہید کر دیا گیا۔

میڈیا رپورٹس کے مطابق 3 ہفتوں سے غزہ میں ہر طرح کے امدادی سامان کی ترسیل روکے جانے سے فلسطینی رمضان میں شدید بھوک و افلاس کا شکار ہیں۔ اس حوالے سے  اقوام متحدہ کا کہنا ہےکہ اسرائیل نے 80 فیصد سے زائد امداد کی نقل و حمل روک رکھی ہے۔

ادھر لبنان میں بھی ڈرون حملوں کے دوران حزب اللہ کمانڈر سمیت 4 افراد کوشہید کردیا گیا، دوسری جانب یمن پر امریکی حملے جاری ہیں اور چند گھنٹوں کے دوران حوثیوں کے زیر کنٹرول علاقوں پر 37 حملے کیے گئے۔

فلسطینی وزارت صحت کے مطابق 18 مارچ سے اب تک 830 فلسطینی شہید ہوچکے ہیں۔ غزہ میں سات اکتوبر دو ہزار تئیس سے اب تک شہدا کی مجموعی تعداد 50 ہزار 2 سو 8 ہوگئی ہے جبکہ ایک لاکھ 13 ہزار 9 سو 10 زخمی ہوچکے ہیں۔

فلسطینی میڈیا کے مطابق غزہ میں دس ہزار سے زائد افراد ملبے تلے دے ہوئے ہیں ۔۔ جو کہ شہید ہوچکے ہیں۔