سعودی عرب میں شوال کا چاند نظر آ گیا،عرب ممالک میں عید الفطر کل ہو گی

ریاض: سعودی عرب میں عیدالفطر کا چاند نظر آگیا،جس کے بعد سعودیہ سمیت بیشتر عرب ممالک میں عید الفطر کل بروز اتوار کو منائی جائے گی۔
غیر ملکی خبر رساں ایجنسی کے مطابق سعودی سپریم کورٹ نے شوال کا چاند نظر آنے کا اعلان کیا۔ جس کے بعد سعودی عرب میں عیدالفطر 30 مارچ بروز اتوار کو ہو گئی،اس کے علاوہ متحدہ عرب امارات اور قطر میں بھی عیدالفطر اتوار کو منائے جائے گی۔
سعودی سپریم کورٹ نے عوام سے بھی شوال کا چاند دیکھنے کی اپیل کی، اور ملکی اور غیر ملکی شہریوں نے چاند کا مشاہدہ کرکے گواہی دی، سعودی ماہرین فلکیات کے مطابق شوال کے چاند کی پیدائش آج دن 2 بجے ہوئی ہے۔
اس کے علاوہ امریکہ و کینیڈا میں بھی عیدالفطر کا چاند نظر آگیا اور وہاں کی عوام بھی کل مذہبی جوش و جذبے سے عید منائے گی۔
اسی طرح جرمنی،اٹلی یونان،سمیت یورپ کے دیگر ممالک میں بھی کل عید ہو گی۔
علاوہ ازیں عمان انڈونیشیا، ملائیشیا، اور آسٹریلیا میں بھی شوال کا چاند نظر نہیں آیا، ان ممالک نے عید 31 مارچ  پیر کو منانے کا اعلان کیا ہے، برونائی، آسٹریلیا، بنگلادیش سمیت کئی ممالک میں چاند نظر نہیں آیا۔
 اسی طرح ایرانی میڈیا کے مطابق ایران میں شوال کا چاند نظر نہیں آیا ، ایران میں عید الفطر پیر 31 مارچ کو ہوگی۔

جبکہ پاکستان بھارت،بنگلہ دیش سمیت جنوبی ایشیا کے دیگر ممالک میں عید شوال کا چاند کل نظر آنے کا امکان ہے جس کے بعد ان ممالک میں عید الفطر 31 مارچ بروز پیر کو منائی جائے گی۔