بالی وڈ اسٹار سلمان خان پاکستانی اداکاروں کے ساتھ کام کرنے کو تیار

مبئی:بالی وڈ کے دبنگ اداکار سلمان خان نے پاکستانی فنکاروں کے ساتھ مل کر کام کرنے کی خواہش کا اظہار کر دیا۔
ان دنوں بالی وڈ اسٹار سلمان خاناپنی فلم ’’سکندر‘‘ کی پروموشن میں مصروف ہیں جو 30 مارچ کو بڑے پردے پر ریلیز کی جائے گی۔
اس دوران اداکار نے میڈیا سے گفتگو کرتے ہوئے مختلف سوالات کے جواب دیے اور پاکستانی اداکاروں کے ساتھ کام کرنے کے حوالے سے گفتگو کی۔
انہوں نے بھارت میں پاکستانی فنکاروں کے کام کرنے کا دفاع کرتے ہوئے مزید کہا کہ وہ (پاکستانی اداکار) فنکار ہیں، دہشت گرد نہیں۔
سلمان خان نے کہا کہ اگر بھارتی حکومت پاکستانی فنکاروں کو ویزا اور ملک میں آنے اور کام کرنے کی اجازت دیتی ہے تو میں بالکل تیار ہوں۔
بھارتی حکومت کی جانب سے اجازت نہ ملنے کے سوال پر اداکار سلمان خان نے پاکستان اور بھارت کے درمیان کھیلی جانے والی کرکٹ کا مذاق اڑایا۔
انہوں نے مزید کہا کہ اگر بھارتی حکومت نے اجازت نہ دی تو میں کرکٹ کھیلوں گا۔
واضح رہے کہ 2016ء سے بھارت نے پاکستانی فنکاروں پر غیر سرکاری پابندی عائد کر رکھی ہے۔
یاد رہے کہ سلمان خان ان دنوں اپنی ایکشن سے بھرپور فلم ’سکندر‘ کی پروموشن میں مصروف ہیں جو 30 مارچ کو عید الفطر کے موقع پر سنیما گھروں کی زینت بنے گی۔