Advertisement
پاکستان

وزیر اعظم کا ازبک صدر ،اور شاہ اردن سے ٹیلیفونک رابطہ، عید کی مبارکباد دی

وزیراعظم نے کویت کے ساتھ باہمی تعاون کے لیے اپنے خوشگوار تعلقات کو مزید مستحکم کرنے کی پاکستان کی خواہش کا اعادہ کیا

GNN Web Desk
شائع شدہ 4 days ago پر Mar 30th 2025, 7:55 pm
ویب ڈیسک کے ذریعے
وزیر اعظم کا ازبک صدر ،اور شاہ اردن سے ٹیلیفونک رابطہ، عید کی مبارکباد دی

اسلام آباد:وزیراعظم محمد شہبازشریف نے  ازبکستان کے صدر عزت مآب شوکت مرزیوف ،اردن کی ہاشمی سلطنت کے فرمانروا، شاہ عبداللہ دوم ابن الحسین اور کویت کے ولی عہد سے ٹیلی فونک رابطہ کر کے انہیں عید الفطر کی مبارک باد دی ہے۔
وزیراعظم آفس کی جانب سے جاری بیان کے مطابق شہباز شریف نے ازبک صدر اور ازبکستان کے عوام کو عید کی مبارکباد دی، دونوں ممالک کے عوام کی امن و خوشحالی کے لیے دعا کی۔
جس کے جواب میں ازبک صدر شوکت مرزیوف نے وزیر اعظم اور پاکستانی عوام کے لیے نیک خواہشات کا اظہار کیا، انہوں نے صدر پاکستان آصف علی زرداری اور سابق وزیراعظم پاکستان محمد نواز شریف کو بھی عید کی مبارکباد دی۔
گفتگو کے دوران دونوں رہنماؤں نے فروری میں وزیر اعظم کے کامیاب دورہ ازبکستان کے بعد دو طرفہ تعلقات کی مثبت رفتار پر اپنے اطمینان کا اظہار کیا۔
فریقین نے متعدد شعبوں میں پاکستان-ازبکستان تعاون کو مزید مستحکم کرنے کے لیے دورے کے دوران کیے گئے اہم فیصلوں پر عملدرآمد کو یقینی بنانے کے لیے قریبی رابطے میں رہنے کے اپنے عزم کا اعادہ کیا۔
وزیر اعظم آفس سے جاری بیان کے مطابق اردن کے فرمانروا سے گفتگو میں وزیراعظم نے انہیں عیدالفطر کے پُرمسرت موقع پر دلی مبارکباد پیش کی۔ وزیراعظم نے شاہ عبداللہ اور اردن کے برادر عوام کے لیے نیک تمناؤں کا اظہار کیا،دونوں رہنماؤں نے غزہ کی موجودہ صورتحال پر تبادلہ خیال کیا۔ 
شاہ عبداللہ نے فلسطینی عوام کے لیے پاکستان کی اصولی حمایت اور انسانی امداد بھجوانے کے اقدام کو سراہا،شہباز شریف نے غزہ میں قیامِ امن، تشدد کے خاتمے، اور متاثرہ فلسطینیوں تک فوری انسانی امداد کی فراہمی کے لیے شاہ عبداللہ دوم کی قیادت میں اردن کی کوششوں کو خراج تحسین پیش کیا۔
وزیراعظم نے دفاعی تعاون سمیت مختلف شعبوں میں اردن کے ساتھ پاکستان کے مضبوط اور دیرپا دوطرفہ تعلقات پر روشنی ڈالی، اور دونوں برادر ممالک کے عوام کے باہمی فائدے کے لیے ان تعلقات کو مزید وسعت دینے کے عزم کا اعادہ کیا۔
وزیراعظم نے شاہ عبداللہ کو جلد پاکستان کا سرکاری دورہ کرنے کی دعوت دی،  شاہ عبداللہ نے بھی  وزیراعظم شہباز شریف کو اردن کے دورے کی دعوت دی۔
دوسری جانب وزیراعظم محمد شہباز شریف نے  کویت کے ولی عہد شیخ صباح الخالد الحمد المبارک الصباح سے ٹیلی فونک رابطہ کیا اور کویت کے ولی عہد کے ساتھ ساتھ امیر کویت عزت مآب شیخ مشعل الاحمد الجابر الصباح اور کویت کے عوام کے لیے  نیک خواہشات کا اظہار کیا۔
دونوں ممالک کے درمیان تاریخی برادرانہ تعلقات کا ذکر کرتے ہوئے وزیراعظم نے کویت کے ساتھ باہمی تعاون کے لیے اپنے خوشگوار تعلقات کو مزید مستحکم کرنے کی پاکستان کی خواہش کا اعادہ کیا۔

Advertisement
بھٹو کی برسی،سندھ حکومت کا  4 اپریل کو عام تعطیل کا اعلان

بھٹو کی برسی،سندھ حکومت کا 4 اپریل کو عام تعطیل کا اعلان

  • 3 hours ago
پاکستان سپر لیگ  10 کا ترانہ جاری کر دیا گیا

پاکستان سپر لیگ 10 کا ترانہ جاری کر دیا گیا

  • 3 hours ago
امریکا نے  غریب ممالک پر بھاری ٹیرف  لگا دیئے، پاکستان پر 29 فیصد ٹیرف عائد

امریکا نے غریب ممالک پر بھاری ٹیرف لگا دیئے، پاکستان پر 29 فیصد ٹیرف عائد

  • 4 hours ago
ملک میں سیاسی استحکام کیلئے پی ٹی آئی سمیت ہر جماعت سے بات چیت کیلئے تیار ہیں ، رانا تنویر

ملک میں سیاسی استحکام کیلئے پی ٹی آئی سمیت ہر جماعت سے بات چیت کیلئے تیار ہیں ، رانا تنویر

  • 16 hours ago
امریکا نے پاکستان سمیت 40 سے زائد ممالک  پر ویزا پابندیوں کے نفاذ کو روک دیا

امریکا نے پاکستان سمیت 40 سے زائد ممالک پر ویزا پابندیوں کے نفاذ کو روک دیا

  • 3 hours ago
بھارت کی خطے میں جنگ پھیلانے کی ایک اور کوشش بے نقاب

بھارت کی خطے میں جنگ پھیلانے کی ایک اور کوشش بے نقاب

  • an hour ago
چین ،کینیڈا اور آسٹریلیا  سمیت  مختلف ممالک کا امریکا  سے  جوابی ٹیرف  منسوخ کرنے کا مطالبہ

چین ،کینیڈا اور آسٹریلیا سمیت مختلف ممالک کا امریکا سے جوابی ٹیرف منسوخ کرنے کا مطالبہ

  • 3 hours ago
ایلون مسک ٹرمپ انتظامیہ کے قائم کردہ ڈیپارٹمنٹ آف گورنمنٹ ایفیشنسی سے دستبردار

ایلون مسک ٹرمپ انتظامیہ کے قائم کردہ ڈیپارٹمنٹ آف گورنمنٹ ایفیشنسی سے دستبردار

  • 15 hours ago
اختر مینگل کا حکومت کو دی ڈیڈ لائن ختم ہونے کے بعد کوئٹہ لانگ مارچ کرنے کا اعلان

اختر مینگل کا حکومت کو دی ڈیڈ لائن ختم ہونے کے بعد کوئٹہ لانگ مارچ کرنے کا اعلان

  • 4 hours ago
بانی پی  ٹی آئی  سے ملاقاتوں کے فیصلے پر عملدرآمد نہ کرنے پر توہین عدالت کی درخواست دائر

بانی پی ٹی آئی  سے ملاقاتوں کے فیصلے پر عملدرآمد نہ کرنے پر توہین عدالت کی درخواست دائر

  • 29 minutes ago
عاصم افتخار احمد نے اقوام متحدہ میں پاکستان کے مستقل مندوب کا منصب سنبھال لیا

عاصم افتخار احمد نے اقوام متحدہ میں پاکستان کے مستقل مندوب کا منصب سنبھال لیا

  • 3 hours ago
نوبیل انسٹی ٹیوٹ کی بانی پی ٹی آئی کی نامزدگی پر درعمل،خبروں کو سیاسی چال قرار دے دیا

نوبیل انسٹی ٹیوٹ کی بانی پی ٹی آئی کی نامزدگی پر درعمل،خبروں کو سیاسی چال قرار دے دیا

  • 2 hours ago
Advertisement