میانمار اور تھائی لینڈ کے بعدٹونگا میں 7.1 شدت کازلزلہ، سونامی وارننگ جاری

جنوبی مشرقی ایشائی ممالک میانمار اور تھائی لینڈ کے بعدبحرالکاہل میں واقعہ ملک ٹونگا میں شدید زلزلہ آیا ہے جس کے بعد ساحلی علاقوں میں سونامی وارننگ جاری کردی گئی ہے۔
عالمی میڈیا کے مطابق جرمن ریسرچ سینٹر نے بتایا ہےکہ زلزلےکی شدت ریکٹر اسکیل پر 7.1 ریکارڈکی گئی ہے۔
جرمن ریسرچ سینٹر کے مطابق ٹونگا جزائر میں زلزلہ 16 کلومیٹر کی گہرائی میں تھا۔ 
زلزلہ ٹونگا کے مرکزی جزیرے کے100 کلومیٹر  شمال مشرق میں آیا۔
دوسری جانب پیسیفک سونامی وارننگ سینٹر کے مطابق زلزلے کے بعد ٹونگا کے ساحلی علاقوں میں سونامی وارننگ جاری کردی گئی ہے۔
پیسیفک سونامی وارننگ سینٹر کا کہنا ہےکہ زلزلے کے مرکز سے 300 کلومیٹر کے اندر ساحلی علاقوں میں خطرناک لہریں آسکتی ہیں۔
تاہم ابھی تک زلزلےکے بعد کسی قسم کے نقصان کی اطلاع موصول نہیں ہوئی ہے۔
خیال رہے کہ دو روز قبل میانمار اور تھائی لینڈ میں شدید زلزلہ آیا تھا جس کی وجہ سے ہزاروں عمارتیں زمین بھوس ہو گئیں، جبکہ زلزلے کے نتیجے میں ہلاکتوں کی تعداد 1600 سے تجاوز کر گئیں ہیں۔