اگر جوہری معاہدہ نہیں کیا تو بمباری ہوگی، ٹرمپ کی ایران کودھمکی

واشنگٹن ڈی سی:امریکی صدر ڈونلڈ ٹرمپ نے دھمکی دیتے ہوئے کہا ہے کہ اگر ایران نے ہمارے ساتھ جوہری پروگرام پر معاہدہ نہیں کیا تو بمبا ری ہوگی اور تہران پر ثانوی ٹیرف بھی عائد ہوں گے۔
غیرملکی خبرایجنسی کے مطابق صدرڈونلڈ ٹرمپ نے امریکی چینل کو انٹرویو میں کہا کہ امریکی اور ایرانی عہدیدار مذاکرات کر رہے تھے لیکن بارآور ثابت نہیں ہوئے۔
ٹرمپ ر نے کہا کہ اگر وہ معاہدہ نہیں کریں گے تو پھر بم باری ہوگی لیکن ایک موقع ہے، اگر وہ معاہدہ نہیں کریں گے تو میں 4 سال پہلے کی طرح ثانوی ٹیرف عائد کردوں گا۔
خیال رہے کہ اس سے قبل اپنی پہلے دور صدرات میں صدر ٹرمپ نے نے 2017 سے 2021 ایران کے امریکا اور عالمی طاقتوں کے درمیان 2015 میں ہونے والے جوہری معاہدے سے دستبرداری کا اعلان کیا تھا۔
دوسری جانب ایران کے صدر مسعود پیزشکیان نے کہا تھا کہ ایران اس معاملے پر امریکہ کے ساتھ براہ راست مذاکرات میں شامل نہیں ہوگا۔ 
یہ فیصلہ دونوں ممالک کے درمیان بڑھتے ہوئے تناؤ کے درمیان سامنے آیا ہے، امریکہ مذاکرات ناکام ہونے کی صورت میں فوجی کارروائی پر غور کر رہا ہے۔ جبکہ ایران اپنے جوہری مفادات اور خودمختاری کو ترجیح دیتے ہوئے ثابت قدم ہے۔
واضح رہے کہ ایران امریکہ کے ساتھ براہ راست مذاکرات سے انکار کرچکا ہے لیکن بالواسطہ مذاکرات کو مسترد نہیں کیا ہے۔ اس کا مطلب ہے کہ وہ امریکہ کے ساتھ براہ راست ہونے کی بجائے تیسرے فریق کے ذریعے مسائل پر بات چیت کے لیے تیار ہیں۔