طلال چودھری کا دورہ برطانیہ، مؤثر بارڈر مینجمنٹ ، غیر قانونی امیگریشن کی روک تھام پر تفصیلی گفتگو

لندن:وزیر مملکت برائے داخلہ طلال چودھری نے برطانیہ کا دورہ کیا جہاں انہوں نے وزیر داخلہ یوویٹ کوپر کے عشائیے میں شرکت کی۔
وزیر مملکت برائے داخلہ طلال چودھری اور برطانوی وزیر داخلہ یوویٹ کو پر کے درمیان ملاقات میں دوطرفہ امور پر تبادلہ خیال کیاگیا۔
اس دوران طلال چودھری برطانیہ میں دیگر ممالک کے وزرائے داخلہ اور وفود سے بھی ملاقاتیں کریں گے۔
ملاقاتوں میں مؤثر بارڈر مینجمنٹ ، غیر قانونی امیگریشن کی روک تھام اور دوطرفہ تعلقات پر تفصیلی گفتگو ہو گی۔
اس موقع پر گفتگو کرتے ہوئے طلال چودھری کا کہنا تھا کہ مؤثر مینجمنٹ اور غیر قانونی امیگریشن کے مسائل پر عالمی تعاون بڑھانے کیلئے پرعزم ہیں۔
ان کا مزید کہنا تھا کہ وزیراعظم کا سیکیورٹی اور امیگریشن کنٹرول کیلئے سخت اقدامات پر زور ہے۔