روٹھی بیوی کو منانے میں ناکامی،شوہر نے دلبرداشتہ ہو کر خودکشی کرلی

پاکپتن: پنجاب کے ضلع پاکپتن میں روٹھی بیوی کو عید پر منانے کی کوشش میں ناکام ہونے پر شوہر نے دلبرداشتہ پھندا ڈال کر خود کشی کر لی۔
تفصیلات کے مطابق یہ افسوسناک واقعہ پاکپتن کے نواحی گاؤں نورپور میں پیش آیا جہاں روٹھی بیوی کے گھر نہ آنے پر شوہر نے دلبرداشتہ ہو کراورنگزیب نامی شخص نے خود کو پھندا ڈال کر زندگی کا خاتمہ کر لیا۔
واقعے کی اطلاع ملتے ہی تھانہ ملکہ ہانس پولیس موقع پر پہنچ گئی اور لاش کو پوسٹ مارٹم کے لیے ڈسٹرکٹ اسپتال پاک پتن منتقل کر دیا گیا۔
فیملی ذرائع کے مطابق اورنگزیب اور اس کی بیوی کے درمیان ناراضگی تھی اور عید پر شوہر نے اسے منانے کی کوشش کی تھی، تاہم بیوی کے انکار کے بعد وہ شدید ذہنی دباؤ کا شکار ہو گیا۔
 اس غم و غصے کی حالت میں اورنگزیب نے خودکشی کا فیصلہ کیا اور گلے میں پھندا ڈال کر اپنی جان لے لی۔
پولیس کے مطابق پولیس اور ریسکیو ٹیمیں فوراً موقع پر پہنچیں اور تحقیقات کا آغاز کر دیا۔