جان ریمبو کی ہدایت کاری میں تیار ہونے والا گیت "منڈا ریٹرن" ریلیز 

لاہور:اداکار جان ریمبو کی ہدایت کاری میں تیار ہونے والا گیت "منڈا ریٹرن" ریلیز کیساتھ ہی شائقین کو بھا گیا۔
 ویڈیو میں جان ریمبو، صاحبہ اور لیلہ کی شاندار پرفارمنس عید کے موقع پر گلوکارہ سلمی صابر اور فاروق شاد کی آواز میں ریلیز ہونے والا گیت منڈا ریٹرن نے سوشل میڈیا پر شائقین کو بے حد متاثر کیا۔
 گانا فلم "میرے شوہر کی بیویاں" کا حصہ ہے جس کو اب تک ہزاروں افراد دیکھ اور سن چکے ہیں۔گانے کی ہدایت کاری اداکار جان  ریمبو نے کی ہے جو طویل عرصے بعد اپنی اہلیہ اداکارہ صاحبہ کیساتھ کسی گانے کی ویڈیو میں نظر آئے ہیں۔

گانا مرد کی ایک سے زائد شادیوں کے موضوع پر بنایا گیا ہے۔ 
گانے کی ویڈیو میں جان ریمبو، صاحبہ، لیلہ اور عروج فاطمہ کی زبردست پرفارمنس کو شائقین کی جانب سے بے حد سراہا جارہاہے۔
 گانا منڈا ریٹرن کی پروڈیوسر اداکارہ صاحبہ ہیں، گیت کے لیرکس سونو ڈینجرس ، فاروق شاد اور اومی نے لکھے ہیں،جبکہ سونو ڈینجرس بطور کوریوگرافر ، اور احمد حسن نے بطور موسیقار خدمات انجام دیں۔