تیسرا ون ڈے: شاہینوں کو ایک دفعہ پھر شکست،سیریز تین ،صفر سے کیویز کے نام

نیوزی لینڈ نے پاکستان کو تیسرے ون ڈے میچ میں 43 رنز سے شکست دے کر سیریز تین صفر سے اپنے نام کر لی۔
نیوزی لینڈ کی جانب سے 265 رنز کے ہدف کے تعاقب میں قومی ٹیم221 رنز پر ڈھیر ہو گئی
پاکستان کی جانب سے اننگز کا آغاز عبداللہ شفیق اور امام الحق نے کیا لیکن امام الحق اننگز کی ابتدا ہی میں بیٹنگ کے دوران فیلڈر کی تھرو کی ہوئی گیند چہرے پر لگنے کے باعث ریٹائرڈ ہرٹ ہو کر گراؤنڈ سے باہر چلے گئے۔
پاکستان کی جانب سے عبد اللہ شفیق 33 ،کپتان محمد رضوان 37 بابر اعظم 50 اور طیب طاہر 33 جبکہ نسیم شاہ 17 رنز بنا کر نمایاں رہے۔
نیوزی لینڈ نےپہلے بیٹنگ کرتے ہوئے مقررہ 42 اوورز میں 8 وکٹ کے نقصان پر 264 رنز بنائے، کپتان بریسویل نے 40 بالز پر 58 رنز کی برق رفتار اننگز کھیلی۔
نیوزی لینڈ کی ٹیم کی پہلی وکٹ 13 رنز پر گر گئی، نائیک کیلے 3 رنز بنا کر آؤٹ ہوگئے، رائس ماریو نے 58 رنز کی اننگز کھیلی، ڈیرل مچل 43 اور ہنری نکولس 31 رنز بنا کر پویلین لوٹ گئے، ٹم سائفرٹ نے 26 رنز بنائے، محمد عباس 11 اور مچل ہے 8 رنز بنا کر پویلین لوٹے۔
پاکستان کی جانب سے عاکف جاوید نے 4 وکٹیں حاصل کیں، نسیم شاہ 2، فہیم اشرف اور سفیان مقیم نے 1،1 کھلاڑی کو آؤٹ کیا۔
اس سے قبل میچ سے پہلے ہونے والی بارش کے باعث میدان کا آؤٹ فیلڈ گیلا ہوگیا تھا جس کی وجہ سے ٹاس تاخیر کا شکار ہوا، ٹاس میں تاخیر ہونے کی وجہ سے تیسرے ون ڈے میچ کو 42 اوورز تک محدود کر دیا گیا، قومی ٹیم میں ایک تبدیلی کی گئی، حارث رؤف کی جگہ نسیم شاہ کو ٹیم میں شامل کیا گیا۔
واضح رہے کہ تین ون ڈےمیچز کی سیریز میں نیوزی لینڈ نے پاکستان کو  0-3سے ہرا اپنے نام کر لی ہے جبکہ اس سے قبل ہونے والی ٹی ٹوئنٹی سیریز میں بھی کیویز نے شاہینوں کے4-1 سے شکست دے کر سیریز اپنے نام کی تھی۔