پی ایس ایل سیزن 10 کےلیے کمنٹری پینل کا اعلان کر دیاگیا

لاہور:پاکستان کرکٹ بورڈ ( پی سی بی ) نے پاکستان سپر لیگ سیزن 10 کے لیے کمنٹری پینل کا اعلان کر دیا ہے۔
کمنٹری پینل میں دنیائے کرکٹ کے بڑے نام شامل کیے گئے ہیں۔ 
پی سی بی نے پی ایس ایل کے کمنٹری پینل میں پہلی مرتبہ الیسٹر کک اور مارٹن گپٹل کو شامل کیا ہے۔
اس کے علاوہ جے پی ڈومینی، مائیک ہیزمین، ڈومینک کارک اور مارک نکولس بھی کمنٹری پینل کا حصہ ہیں جبکہ وسیم اکرم، رمیز راجا، وقار یونس اور دیگر کمنٹیٹرز میں شامل ہیں۔
 جبکہ یزینٹرز کی ذمے داریا ں زینب عباس اور ایرین ہالینڈ پر نبھائیں گی۔
اس سے قبل پی ایس ایل میں پہلی بار اردو زبان میں کمنٹری کو شامل کرنئ کا اعلان کیا گیا تھا۔
اس حوالے سےپاکستان سپر لیگ کے سی ای او سلمان نصیر نے کہا کہ اردو کمنٹری کے ذریعے پی ایس ایل کو شائقین کے دلوں کے قریب لا رہے ہیں۔
انہوں نے کہا کہ شائقین پورے ٹورنامنٹ میں مکمل میچ کی اردو کمنٹری سے لطف اندوز ہو سکیں گے،یہ قدم لاکھوں شائقین کے ساتھ تعلق کو مزید گہرا کرنے کا موقع فراہم کرے گا۔
واضح رہے پی ایس ایل کا افتتاحی میچ 11 اپریل کو راولپنڈی اسٹیڈیم میں دفاعی چیمپیئن اسلام آباد یونائیٹڈ اور لاہور قلندرز کے درمیان کھیلا جائے گا۔