طالبان کی دہشتگرد تنظیموں کو اسلحہ فروخت کرنا عالمی سلامتی کیلئے خطرہ بن گیا

طالبان کی دہشتگرد تنظیموں کو اسلحہ فروخت کرنا عالمی سلامتی کے لیے خطرہ بن گیا ہے۔

2021 میں امریکی انخلاء کے بعدافغان طالبان نے ہتھیاروں کی غیر قانونی تجارت کو فروغ دیا، اقوام متحدہ کی حالیہ رپورٹ کے مطابق طالبان دہشتگرد گروہوں کو اسلحہ فراہم کرنے میں ملوث ہیں، طالبان کے زیر قبضہ ہتھیار القاعدہ، فتنتہ الخوارج سمیت دیگر دہشتگرد گروہ کے پاس پہنچ گئے۔

امریکی صدر ٹرمپ کے مطابق امریکی انخلاء کے دوران افغانستان میں اربوں ڈالر مالیت کا اسلحہ چھوڑا گیا، افغان طالبان کے زیر سایہ القاعدہ کے دہشتگرد امریکی رائفلز سے لیس ہو چکے ہیں۔

رپورٹ میں بتایا گیا ہے کہ طالبان M4, M16 اور دیگر امریکی ہتھیاروں کو طاقت کے مظاہرے اور خوف پھیلانے کا ذریعہ بنا رہے ہیں، امریکی انخلاء کے بعد طالبان نے اسلحے کی غیر قانونی فروخت کو ریاستی پالیسی بنا لیا، طالبان کے زیر کنٹرول امریکی ہتھیار واٹس ایپ گروپس میں بیچے جا رہے ہیں۔

طالبان نے افغانستان کو ہتھیاروں کی بلیک مارکیٹ کا مرکز بنا دیا، امریکی ساختہ ہتھیار افغانستان سے ہمسایہ ممالک میں اسمگلنگ اور دہشتگری کے لئے استعمال ہو رہے ہیں۔