وزیر اعظم کا نیا پاکستان ہاؤسنگ اسکیم میں توسیع دینے پر غور

تفصیلات کے مطابق نیا پاکستان ہاؤسنگ اسکیم میں توسیع کے تحت مزید شہریوں سے درخواستیں وصول کی جاسکیں گی اور نیا پاکستان ہاؤسنگ اسکیم میں توسیع سے مزید گھروں کی تعمیر کی جاسکے گی۔

ذرائع کے مطابق پہلے فیز میں درخواست دینے سے رہ جانے والے شہریوں کو مزید ایک موقع دینے پر غور کیا جا رہا ہے، پنجاب بھر میں 2681 کنال اراضی کی نیا پاکستان ہاؤسنگ اسکیم کیلئے نشاندہی کی گئی ہے۔

ذرائع کا کہنا ہے کہ راجن پور، خان پور، لیاقت پور، روجھان ، کوٹ مومن، بھلوال، ساہیوال اور سلانوالی میں 1712 کنال اراضی ڈویلپ کی جائے گی، راجن پور میں نادرا سے رجسٹرڈ شدہ افراد 1198 اور نیا پاکستان ہاؤسنگ اسکیم کیلئے 72 کنال مجوزہ اراضی ہے۔

واضح رہے کہ خان پور میں 16 کنال اور لیاقت پور میں 70 کنال اراضی کو بھی شامل کیا جائے گا۔