سندھ میں پانی بحران اور قحط سالی کا خدشہ

تفصیلات کے مطابق  سندھ میں پانی بحران اور قحط سالی کا خدشہ ہے۔سندھ میں پانی کے ذخائر صرف 10دن کے رہ گئے ہیں ۔محکمہ موسمیات نے بھی سندھ کے10اضلاع میں خشک سالی سےبڑے نقصان کا خدشہ ظاہر کردیا ہے۔سندھ میں بارشیں نہ ہوئیں تو زراعت اور انسانی ضرورت کیلئےبھی پانی نہیں مل سکے گا۔

وزیر آب پاشی سندھ سہیل سیال نے  سندھ میں پانی بحران خشک سالی کی تصدیق کردی ہے۔پانی کی شدید قلت سے کراچی سمیت سندھ کےدیگر اضلاع متاثر ہوں گے۔

سہیل انور سیال  کا کہنا ہے کہ  سندھ کو یومیہ درکار پانی کی قلت کو پورا کرنے کیلئےڈیمز سے پانی لینا شروع کردیا ہے، کوہستان میں ڈیم بنا رہے ہیں،جہاں جہاں پانی جمع ہوسکتا ہے وہاں ڈیم بنا رہے ہیں، سندھ میں اس وقت 40 سے 50 دن کا ڈی لے چل رہا ہے ۔گڈو بیراج میں اکارڈ کے تحت 40 ہزار کیوسک پانی چائیے لیکن 24 ہزار کے قریب پانی مل رہا ہے۔ سندھ میں21.62 کی شارٹیج چل رہی ہے ۔ایک شخص کے غیرذمہ دارانہ بیان پر ری ایکشن نہ دیں، ہماری ہاتھ جوڑنے والی روایت ہے،وہ باقی رہے گی۔