فلم’’ عشق لاہور‘‘ کی شاندار کامیابی پر تقریب کا انعقاد،شوبز شخصیات کی بھرپور شرکت

لاہور:لالی وڈ کی فلم’’ عشق لاہور‘‘ کی شاندار کامیابی پر لاہور میں تقریب کا انعقاد کیا گیا،جس میں نامور شوبز شخصیات نے شرکت کی اور فلم کو تازہ ہوا کا جھونکا قرار دیا،فلم میں لیجنڈ اداکارہ صائمہ کافی عرصہ بعد جلوہ گر ہوئیں۔
عید الفطر پر ریلیز ہونیوالی فلموں کی دوڑ میں ’’عشق لاہور ‘‘سرفہرست رہی، اس حوالے سے شبستان سینما لاہور میں تقریب سجی جس میں  شوبز شخصیات نے شرکت کی ۔
اس موقع پر فلم کے ڈائریکٹر اور پروڈیوسر کا کہنا تھا کہ ملکی فلم انڈسٹری کو سپورٹ کی ضرورت ہے، عوام سستی اور معیاری تفریح چاہتے ہیں۔
تقریب میں معروف موسیقار ایم ارشد، بنٹو بٹ، جرار رضوی،شاہد رانا اور دیگر شریک ہوئے ،جبکہ فلم’’ عشق لاہور‘‘ کی کاسٹ میں اداکارہ صائمہ، جاوید شیخ، شمعون عباسی، بنٹو بٹ اور دیگر شامل ہیں،، فلم میں لیجنڈ اداکارہ صائمہ منفرد انداز میں جلوہ گر ہوئیں جسے دیکھنے والوں نے بے حد پسند کیا۔