سی ٹی ڈی پنجاب کی مختلف شہروں میں انٹیلیجنس بیسڈ کارروائیاں، 10 خارجی دہشتگرد گرفتار

لاہور:کاؤنٹر ٹیررازم ڈپارٹمنٹ ( سی ٹی ڈی) نے پنجاب کے مختلف اضلاع میں کارروائیاں کرتے ہوئے 10خطرناک خارجی دہشتگردوں کو گرفتار کر لیا۔
ترجمان سی ٹی ڈی کے مطابق خفیہ معلومات کی بنیاد پر کارروائیاں لاہور، بہاولپور، راولپنڈی، جہلم اور گجرانوالہ میں کی گئیں، اور  189 انٹیلیجنس بیسڈ آپریشنز میں 10 دہشتگردوں کو گرفتار کرلیا۔ 
ترجمان نے مزید بتایا کہ گرفتار ہونے والے دہشتگردوں سے دھماکا خیز مواد ،ڈیٹونیٹر، 16حفاظتی فیوز، 37 فٹ تار،  پمفلیٹ ، نقدی اور پرائمہ کارڈ برامد کیے گئے۔
ترجمان کے مطابق رولپنڈی سے 2 خطرناک دہشت گرد بادل سنگھ اور سورج سنگھ کو گرفتارکیا گیا، دونوں کا تعلق ننکانہ صاحب سے ہے،جبکہ دیگر دہشتگردوں کی شناخت سراج، ہدایت للہ، دیدار حسین، صداقت حسین ،سلیمان خان اور زید وغیرہ کے نام سے ہوئی۔
ترجمان کا کہنا تھا کہ گرفتارہونے والے دہشتگرد مختلف مقامات پر کارروائی کرکے عوام میں خوف وہراس پھیلانا چاہتے تھے۔
انہوں نے مزید بتایا کی سی ٹی ڈی نے رواں ہفتے  2053 کومبنگ آپریشنز کے دوران263 مشتبہ افراد گرفتار کیا،جبکہ کومبنگ آپریشنز میں 82473 افراد سے پوچھ گچھ کی گئی۔
ترجمان کا کہنا تھا کہ سی ٹی ڈی محفوظ پنجاب کے ہدف پر عمل پیرا ہے اوردہشتگردی کے ناسور کو جڑ سے اکھاڑ پھینکنے کے لیے پرعزم ہے۔