راولاکوٹ میں بلاول بھٹو مسلم لیگ ن پر برس پڑے

چیئرمین پاکستان پیپلزپارٹی نے راولا کوٹ میں جلسے سے خطاب کرتے ہوئے کہا کہ   آج آپ نے ہمارا دل جیت لیا   ہے، یہاں میری مائیں بہنیں اتنی بڑی تعداد میں پہنچی ہیں ،پیپلز پارٹی کل بھی زندہ تھی،آج بھی زندہ ہے ، آنے والے کل میں بھی آپ کو پیپلز پارٹی ہی نظر آئے گی ، ہم میدان میں پہنچ چکے ہیں۔

بلاول بھٹو  نے کہا کہ  25جولائی کوآزاد کشمیر کا وزیراعظم منتخب کرکے ہم اسلام آباد کی طرف منہ موڑیں گے ، اسلام آبادسے کٹھ پتلیوں کو بھگائیں گے ، آپ جانتے ہیں یہ الیکشن کتنے اہم ہیں،تاریخ میں کشمیر کیلئے سب سے اہم ترین الیکشن ہے ، الیکشن میں اپنے ووٹ کی طاقت سےآپ بارڈر کے پار پیغام بھیجیں گے  کہ کشمیر کا سودا نا منظور  ہے۔

بلاول بھٹو نے جلسے سے خطاب کرتے ہوئے کہا کہ  ہم مودی کی آنکھوں میں آنکھیں ڈال کر جواب دینے کو تیار ہیں ،ہم یہ برداشت نہیں کر سکتے وہاں ظلم کی تاریخ کے ریکارڈ توڑے جا رہے ہوں ، تاریخ کا سب سے بدترین ظلم اورعمران خان  کا جواب ہوتا ہے میں کیا کروں،ہم جیالے ہیں ہمیں قائد عوام نے سکھایا ہے کہ ہم ہزارسال جنگ لڑنا پڑے تو پڑیں گے لیکن کشمیریوں کو تنہا نہیں چھوڑیں گے ۔

چیئرمین پی پی نے کہا کہ   یہ کٹھ پتلی پورے پاکستان کا خون چوس رہا ہے ،پی ٹی آئی حکومت نے پاکستان کو معاشی بحران میں دھکیل دیا  ، ان کٹھ پتلیوں کو بھگا کر کشمیر کو بچانا پڑے گا ،عمران خان پورے پاکستان میں تبدیلی کا اصل چہری سامنے لایا ہے ،تبدیلی کا اصل چہرہ تاریخی مہنگائی ، غربت  اور بے روزگاری ہے ،مہنگائی میں ہم افغانستان ، بنگلہ دیش ، بھارت سے بھی آگے ہیں ۔

پیپلزپارٹی کے رہنما بلاول بھٹو کا کہنا تھا کہ صدر زرداری صدر تھا تو پوری دنیا میں فنائنشل پروگرام کریش کرچکا تھا ،

ہم نے پاکستان میں عوام کو لاوارث نہیں چھوڑا، ہم نے بینظیر انکم سپورٹ پروگرام میں لوگوں تک پیسہ پہنچایا ،ہم نے تنخواہوں میں ریکارڈ اضافہ کیا ،100فیصد پینشنز میں اضافہ کیا ،ہم نے پاکستانی فوج کی تنخواہوں میں 175 فیصد ہم نے اضافہ کیا ۔

بلاول بھٹو نے جلسے سے خطاب کرتے ہوئے کہا کہ پہلے دن سے ہم نے قومی اسمبلی میں اس کو وزیراعظم کو  سلیکٹڈ کا نام دلوایا تھا ،ہمارا وزیراعظم اتنا ہوشیار ہے وہ ساتھ ساتھ ڈیسک بجا رہاتھا ،ہم نے ان کو ہر مرحلے میں ٹف ٹائم دیا ،ہم اپنے سیاسی مخالفین کو ملنے کیلئے جیل تک پہنچے،ہم نے جیل میں بیٹھ کر اس کو نظریاتی بنایا تھا، ماضی کو بھول کر سیاسی مخالفین کے پاس گئے،پتہ لگا ان کی عمران خان کو ہٹانے میں کوئی دلچسپی نہیں  ہے،وہ کٹھ پتلی اوربزدار کو چلانا چاہتے ہیں ،وہ ہمارے ساتھ مل کر عمران خان کو گرانے کیلئے تیار نہیں   ہیں ۔

بلاول بھٹو کا کہنا تھا کہ  وہ تو کہتے تھے"آر"یا" پار" ہوگا ،اب وہ کہتے ہیں  جس کے بھی پاؤں پکڑنےپڑےہم پکڑیں گے،ہم کسی کےپاؤں نہیں پکڑیں گے، جدوجہد کریں گے ،ہم عوام کے حقوق پر سیاست نہیں کریں گے ،آپ نہیں بھگاناچاہتے ہو تو گھر بیٹھ جاؤ،ہم  عمران خان اوربزدارکو بھگائیں گے ،وہ چاہتی تھی عمران خان کیلئے ضمنی الیکشن چھوڑدیں،ہم نے الیکشن کابائیکاٹ نہیں کیااور انتخابات میں حصہ لیا ۔

چیئرمین پی پی بلاول بھٹو زرداری  نے جلسے سے خطاب کرتے ہوئے کہا کہ  بجٹ میں عمران خان کوکھلا میدان دیاگیا،پی ڈی ایم ان کوبھی شوکاز نوٹس دےجوایوان سے غائب تھے،بجٹ سیشن میں دیکھا تو ہمارے دوست ایوان سے غیرحاضرتھے،آرپارکانعرہ لگانے والے پاؤں پکڑنے کی سیاست پرآگئے،ہم کسی کے پاؤ ں نہیں پڑیں گے آنکھوں میں آنکھیں ڈال کر بات کریں گے ۔

انہوں نے کہا ہے کہ   وزیراعظم کہتے ہیں  ہم امریکہ کو اڈے نہیں دیں گے ،یہ فیصلہ عمران خان کا ہی  نہیں ،پیپلزپارٹی  دور میں پارلیمان نے فیصلہ کیاتھا  کہ امریکہ کو  اڈے نہیں دیں گے ۔