واٹس ایپ میں صارفین کے لیےایک بہترین فیچر متعارف کرا دیا گیا

ویب ڈیسک:میٹا کی جانب سے واٹس ایپ صارفین کے لیے ایک بہترین فیچر متعارف کروا دیا گیا ہے۔
تفصیلات کے مطابق واٹس ایپ کی جانب سے چیٹ میسجز اور چینل اپ ڈیٹس کے ٹیکسٹ کا ترجمہ کرنے والے فیچر پر گزشتہ سال سے کام کیا جا رہا تھا،جس کو اب حال ہی میں واٹس ایپ کے اینڈرائیڈ ڈیوائسز کے بیٹا (beta) ورژن میں متعارف کرایا گیا ہے۔
WABetaInfo کی رپورٹ کے مطابق یہ ٹرانسلیشن فیچر بیٹا ورژن کے کچھ صارفین کو دستیاب ہے اور آنے والے ہفتوں میں اسے دیگر بیٹا صارفین تک توسیع دیے جانے کا امکان ہے۔
یہ فیچر اسپینش، عربی، پرتگیز، ہندی اور روسی سپورٹ کے ترجمے کو سپورٹ کرتا ہے،جس کے لیے انٹرنیٹ کنکشن کی بھی ضرورت نہیں ہوگی،بس صارفین کو مطلوبہ زبان کے لینگوئج پیک کو ڈاؤن لوڈ کرنا ہوگا جس کے بعد انٹرنیٹ کے بغیر بھی اس زبان کے ٹیکسٹ کا ترجمہ کرنا ممکن ہوگا۔
میٹا کی جانب سے مزید بتایا گیا ہے کہ یہ لینگوئج پیک خودکار طور پر زبان کی شناخت کرکے آنے والے پیغامات کا ترجمہ بھی کرسکے گا،اس فیچر کو آپ کو خود ان ایبل کرنا ہوگا اور اس کے لیے سیٹنگز میں چیٹ سیکشن میں جاکر اسے ان ایبل کرنا ہوگا۔
وہاں صارفین انتخاب کرسکیں گے کہ وہ کس زبان کے میسجز کا خودکار طور پر ترجمہ کرانا چاہتے ہیں،جس کوون آن ون اور گروپ چیٹس کے لیے استعمال کیا جاسکے گا۔