اٹک:سابق ایم پی اے ملک شاہان حاکمین کے قتل کاملزم شیر دل گرفتار

تفصیلات کے مطابق ڈی پی او خالد ہمدانی کا کہناہےکہ  ملزم کیخلاف مقتول کی والدہ کی مدعیت میں مقدمہ درج کرلیا گیا ہے ۔ پاکستان پیپلزپارٹی کے سابق رکن صوبائی اسمبلی اور مقامی رہنما قاتلانہ حملے میں جاں بحق ہوگئے ہیں۔

 یہ بھی پڑھیں :دبئی میں دنیا کی سب سے بڑی بندر گاہ پر رات گئے زور دار دھماکہ

واضح رہے کہ پاکستان پیپلزپارٹی کے سابق رکن صوبائی اسمبلی ملک شاہان حاکمین پر اٹک میں  اس وقت قاتلانہ حملہ کیا گیا جب وہ نماز جنازہ کی ادائیگی کے لیے پہنچے تھے۔قاتلانہ  حملے میں  وہ شدید زخمی ہوئے تھے۔

یہ بھی پڑھیں : پاکستان میں عید کب ہوگی، محکمہ موسمیات نے پیشگوئی کردی

پولیس کا کہنا ہے کہ اہل خانہ اور دوستوں نے فوری طور پر ملک شاہان کو راولپنڈی کے اسپتال منتقل کیا جہاں پہنچتے ہی وہ دم توڑ گئے ۔

سیکرٹری جنرل پیپلز پارٹی سید نیئر بخاری نے  پارٹی  کے صوبائی رہنما شاہان ملک پر قاتلانہ حملے کی شدید مذمت کی ہے۔

 نئیر بخاری کا کہنا ہے کہ پارٹی راہنما شاہان ملک پر حملہ ناقابل برداشت ہے ،شاہان ملک پر دن دہاڑے جنازہ کے دوران حملہ صوبائی حکومت کی ناکامی ہے ،پیپلز پارٹی راہنما کی حفاظت میں کوتاہی کے ذمہ داران کا تعین کیا جائے گا۔