حالیہ کشید گی سے ڈر کر بھارت نے بغیراطلاع دریائےجہلم میں پانی چھوڑ دیا

پاکستان کاپانی بندکرنےکادعویٰ کرنے والا آبی جارحیت پر اترآیا۔بغیر اطلاع دیے  دریائے جہلم میں پانی چھوڑ دیا، دریائے جہلم میں اونچے درجے کا سیلاب آگیا۔
رپورٹ کے مطابق مقبوضہ کشمیر کے ضلع اننت ناگ سے نکل کر اوڑی سے ہٹیاں بالا چکوٹھی داخل ہونے والے دریائے جہلم میں طغیانی کے باعث عوام میں خوف و ہراس پھیل گیا ۔مظفرآباد انتظامیہ نے آبی ایمرجنسی نافذ کردی۔

رپورٹ کے مطابق بغیر اطلاع کے دریائے جہلم کی سطح آب بلند ہونے کے باعث اس کے کنارے بسنے والے لوگوں میں افراتفری کا عالم تھا۔مظفرآباد انتظامیہ نے آبی ایمرجنسی نافذ کرتے ہوئے حفاظتی اقدامات کا آغاز کردیا۔

ماہرین نے کہا کہ پاکستان کی جانب پافنی چھوڑنے سےثابت ہو گیا کہ مودی حکومت کے قول و فعل میں تضاد ہے، مودی حکومت کے پانی بند کرنے کے دعوے حقیقت سے کوسوں دور ہے۔

پانی چھوڑنے سے دریائے جہلم میں اونچے درجے کا سیلاب ہے، اس کی سطح معمول سے 7 سے 8 فٹ بلند ہوگئی، لوگوں کو دریا کے کناروں سے دور رہنے کا الرٹ جاری کردیا گیا۔