ایرانی بندرگاہ پر دھماکے ، 25افراد جاں بحق ،800 سے زائد زخمی

بندرعباس:ایران کی ایک مصروف بندرگاہ بندعباس پر ہونے والے خوفناک دھماکے کے نتیجے میں جاں بحق افراد کی تعداد 25 ہوگئی ہے جبکہ زخمیوں کی تعداد 800 سے تجاوز کرچکی ہے۔
ایرانی خبرایجنسی کے مطابق دھماکہ ہفتے کو پیش آیا جس کے بعد پورے علاقے میں خوف و ہراس پھیل گیا، دھماکے کی شدت اس قدر زیادہ تھی کہ قریبی عمارتوں کے شیشے ٹوٹ گئے اورمتعدد گاڑیوں کو بھی نقصان پہنچا۔
ریسکیو ادارے فوری طور پر جائے حادثہ پر پہنچ گئےاورامدادی کارروائیاں شروع کردیں، زخمیوں کو قریبی اسپتالوں میں منتقل کیا گیا، جہاں متعدد افراد کی حالت تشویشناک بتائی جارہی ہے۔
حکام کے مطابق امدادی کارروائیاں جاری ہیں اور ملبے تلے دبے مزید افراد کی تلاش کا عمل تیز کردیا گیا ہے، دھماکے کی وجوہات تاحال معلوم نہیں ہو سکیں۔
دوسری جانب ایران کے اسپتالوں میں ایمرجنسی نافذ کر دی گئی۔ اور عوام سے خون عطیہ کرنے کی اپیل کی۔