خیبر پختونخوا کے مختلف علاقوں میں دوسرے روز بھی زلزلے کے جھٹکے

پشاور:صوبہ خیبر پختونخوا کے مختلف علاقوں میںدوسرے روز بھی زلزلے کے جھٹکے محسوس کیے گئے،جس سے لوگوں میں خوف وہراس پھیل گیا
تفصیلات کے مطابق خیبر پختونخوا کے ضلع مالاکنڈ کے علاقے بٹ خیلہ اور گردونواح میں دوسرے روز بھی زلزلے کے جھٹکے محسوس کیے گئے،اس کے علاوہ سوات اور گردونواح میں بھی زلزلے کے جھٹکے محسوس کیے گئے۔
زلزلہ پیما مرکز کے مطابق ریکٹر اسکیل پر زلزلے کے شدت 4.4 ریکارڈ کی گئی، جس کامرکز کوہ ہندوکش کا پہاڑی سلسلہ تھا اور اس کی زیرزمین گہرائی 185 کلومیٹر تھی۔
 زلزلے کے باعث لوگ کلمہ طیبہ کا ورد کرتے ہوئے گھروں سے باہر نکل آئے۔
ریسکیو حکام کے مطابق زلرلے سے ابھی تک کسی جانی و مالی نقصان کی اطلاع موصول نہیں ہوئی۔
خیال رہے کہ گزشتہ روز بھی خیبرپختونخوا اور صوبہ بلوچستان کے مختلف اضلاع میں زلزلے کے جھٹکے محسوس کیے گئے تھے۔