پاکستان

کیسز زیادہ ہونے پر وزیر اعظم نے لاک ڈاون کا عندیہ دیدیا

اسلام آباد: وزیر اعظم عمران خان نے کہا ہے کہ کورونا کیسز میں ایک بار پھر اضافہ ہو رہا ہے ، اگر کیسز زیادہ ہوگئے تو ایک بار پھر لاک ڈاؤن کرنا پڑے گا۔

3 سال پہلے 09 جولائی 2021 - 03:53 صبح

پر شائع ہوا

ویب ڈیسک

کی طرف سے

کیسز زیادہ ہونے پر وزیر اعظم نے لاک ڈاون کا عندیہ دیدیا

وزیراعظم عمران خان نے کورونا کی صورتحال پر اظہار خیال کرتے ہوئے کہنا تھا کہ کورونا وبا کی صورتحال پر مسلسل نظر رکھے ہوئے ہیں، کورونا وائر س اپنی ہیئت مسلسل تبدیل کرتا رہا ہے، بھارتی قسم کے وائرس سے انڈونیشیا اور بنگلہ دیش میں بری صورتحال ہے، ہمارے خطے میں کورونا کی بھارتی قسم پھیلنے کا خدشہ ہے۔

وزیراعظم عمران خان نے کہا کہ ایک بار پھر پاکستان میں کورونا کیسز نیچے جاتے جاتے پھر زیادہ ہورہےہیں، بند جگہوں پر کورونا پھیلاؤ کے امکانات زیادہ ہوتے ہیں اس لئے ماسک لازمی پہنیں،پہلے کی طرح اگر ہم نے احتیاط کی تو کورونا کی چوتھی لہر سے بھی بچ سکتےہیں، عید پر ماسک پہنیں اور احتیاطی تدابیر پر عمل کریں، احتیاط کے ذریعے ہم اپنے لوگوں کو لاک ڈاؤن سے بچا سکتے ہیں۔

وزیراعظم کا کہنا تھا کہ ہمارے پاس ویکسین ہے، سب کو تاکید ہے کہ ویکسی نیشن کروائیں ، بدقسمتی سے ہمارے یہاں ویکسین بنتی نہیں،امریکا ویکسین بناتا ہے اس لئے اس نے بڑے پیمانے پر آبادی کو ویکسین لگائی ہے، جب تک آبادی ویکسین نہیں لگوائے گی، کورونا سے بچنا ممکن نہیں،کورونا کی چوتھی لہر آ رہی ہے، ویکسین بہت ضروری ہے۔

وزیراعظم عمران خان نے کورونا کی صورتحال پر اظہار خیال کرتے ہوئے کہا ہے کہ کورونا کی چوتھی لہرآرہی ہے ، کورونا کیسز میں ایک بار پھر اضافہ ہو رہا ہے ، اگر کیسز زیادہ ہوگئے تو ایک بار پھر لاک ڈاؤن کرنا پڑے گا، سیاحت کا سیزن ہے، احتیاط نہ کی تو سب کچھ بند کرنا پڑے گا۔

اگلی خبر

نواز شریف کی قیادت میں کشمیریوں کے دکھوں کوختم کریں گے : مریم نواز

مس نہ کریں

عوام کیلئے بری خبر ، ٹریفک چالان میں اضافہ کر دیا گیا

پڑھنا جاری رکھیں

دنیا

لبنان : صہیونی فورسز کی جارحیت سے مزید 78 افراد شہید

صہیونی فورسز کی جنوبی بیروت میں گولہ باری سے مزید 78 لبنانی شہید جبکہ 122 سے زائد زخمی ہوگئے ہیں

9 گھنٹے پہلے 16 نومبر 2024 - 12:47 شام

پر شائع ہوا

ویب ڈیسک

کی طرف سے

لبنان : صہیونی فورسز کی جارحیت سے مزید 78 افراد شہید

اسرائیلی فورسز کے لبنان پر فضائی حملے جاری ہیں ، مختلف علاقوں میں شدید بمباری کی گئی۔

غیر ملکی میڈیا کے مطابق بیروت کے جنوبی ٹاؤن ضاحیہ اور رفیق الحریری ایئرپورٹ کے قریب حملے کیے گئے، تاہم اسرائیلی حملوں کے دوران ایئر پورٹ پر طیاروں کی آمد و رفت جاری رہی۔

صہیونی فورسز کی جنوبی بیروت میں گولہ باری سے مزید 78 لبنانی شہید جبکہ 122 سے زائد زخمی ہوگئے ہیں۔

واضح رہے کہ لبنان میں اسرائیلی جارحیت سے شہدا کی مجموعی تعداد 3 ہزار 445 ہوگئی،جبکہ اب تک 14 ہزار 599 افراد زخمی ہو چکے ہیں۔

دوسری جانب جنوبی لبنان میں حزب اللہ سے جھڑپوں میں 6 اسرائیلی فوجی جہنم واصل ہوگئے، اسرائیل نے جنوبی لبنان میں اپنے 6 فوجیوں کی ہلاکت کا اعتراف کر لیا، روس، مصر نے لبنان اور غزہ میں فوری جنگ بندی کا مطالبہ کیا۔

پڑھنا جاری رکھیں

علاقائی

ٹرین کی ٹکر سے طالب علم جاں بحق

عینی شاہدین کے مطابق طالب علم محمد عامر نے کانوں میں ہینڈ فری لگائی ہوئی تھی

11 گھنٹے پہلے 16 نومبر 2024 - 10:49 صبح

پر شائع ہوا

ویب ڈیسک

کی طرف سے

شجاع آباد کے علاقے بچ ریلوے پھاٹک کے قریب فرسٹ ائیر کا طالب علم محمد عامر کراچی سے راولپنڈی کو جانے والی تیز گام کی ٹکر سے جاں بحق ہو گیا۔

عینی شاہدین کے مطابق طالب علم محمد عامر نے کانوں میں ہینڈ فری لگائی ہوئی تھی۔

حکام نے حادثے کے بعد راولپنڈی سے کراچی جانیوالی تیز گام ٹرین بچ پھاٹک کے قریب نصف گھنٹہ روکنے کے بعد روانہ کر دی۔

پولیس نے قانونی کارروائی کے بعد لاش ورثا کے حوالے کر دی، نوجوان کی لاش گھر پہنچے پر گھر میں کہرام مچ گیا۔

پڑھنا جاری رکھیں

موسم

اسموگ کا قہر برقرار،لاہور آلودہ ترین شہروں میں دوسرے نمبر

لاہور میں سموگ کی اوسط شرح 766 ریکارڈ کی گئی

11 گھنٹے پہلے 16 نومبر 2024 - 11:09 صبح

پر شائع ہوا

ویب ڈیسک

کی طرف سے

اسموگ کا قہر برقرار،لاہور آلودہ ترین شہروں میں دوسرے نمبر

لاہور سمیت ملک کے مختلف شہروں میں سموگ اور دھند کا راج برقرار ہے جبکہ دنیا کے آلودہ ترین شہروں میں لاہور آج دوسرے نمبر پر ہے، پہلے پر بھارتی دارالحکومت دہلی ہے۔

لاہور میں سموگ کی اوسط شرح 766 ریکارڈ کی گئی،سی ای آر پی آفس میں آلودگی کی شرح1398ریکارڈ کی گئی۔ ڈی ایچ اے کے علاقے کا ایئر کوالٹی انڈیکس 1324 تک جا پہنچا، سید مراتب علی روڈ کے علاقے کا اے کیو آئی 1210 جبکہ غازی روڈ انٹرچینج کا ایئر کوالٹی انڈیکس 850 ریکارڈ کیا گیا۔

بڑھتی ہوئی اسموگ اور فضائی آلودگی کے پیش نظر صوبائی حکومت کی جانب سے ہیلتھ ایڈوائزری بھی جاری کر دی گئی ہے، جبکہ گرین لاک ڈاؤن کو مزید سخت کر دیا گیاہے اور سکولوں، کالجزاور یونیورسٹیوں میں بھی چھٹیوں کا اعلان کر دیا گیا ہے، مری کے علاوہ تمام اضلاع کے سکولز 24 نومبر تک بند رہیں گے۔

دوسری طرف سموگ کے باعث لاہوراور ملتان میں تمام تعمیراتی کاموں پر مکمل پابندی ہوگی جبکہ قومی سطح کے تعمیراتی کاموں کی اجازت ہوگی، ہیوی ٹریفک کے لاہور اور ملتان میں داخلے پر مکمل پابندی ہوگی، دونوں شہروں میں اینٹوں کے بھٹوں اور فرنس انڈسٹری کے کام پر بندش ہوگی۔

دوسری طرف لاہور اور ملتان میں ریسٹورنٹس میں 4 بجے تک ڈائننگ کی اجازت ہوگی، جبکہ 4 سے 8 بجے تک ٹیک اوے کی اجازت ہوگی، 8 بجے کے بعد ریسٹورنٹس مکمل بند رہیں گے۔

پڑھنا جاری رکھیں