لبنان میں چھوٹا تربیتی طیارہ گر کر تباہ ، 3 افراد ہلاک

غیر ملکی خبر رساں ادارے کے مطابق  لبنان کے دارالحکومت کے شمال میں ایک چھوٹا ٹرینر طیارہ گرنے کے نتیجے میں تین افراد ہلاک ہوگئے ہیں ۔

ذرائع کا کہنا ہے کہ ہلاک ہونے والوں میں پائلٹ اور ایک ہی کنبہ کے ایک مرد اور خاتون  شامل ہیں ۔

لبنان کے مقامی میڈیا  نے  ساحلی قصبے جونیہ کی اونچائی میں درختوں کے درمیان پڑے چھوٹے سفید طیارے کے ملبے کی تصاویر شائع کیں ہیں ۔

خیال رہے کہ لبنان میں چھوٹے طیارے عام طور پر پائلٹ کی تربیت کے لئے استعمال کیے جاتے ہیں ، یا لوگوں کو خاطر خواہ فیس کے بدلے سیر پر لے جاتے ہیں۔