بھارت نے اگر دوبارہ جارحیت کرنے کی کوشش کی تو پاکستان کوئی کسر نہیں چھوڑے گا،رانا ثناء اللہ

اسلام آباد:وزیراعظم کے مشیر برائے سیاسی امور رانا ثناء اللہ نے کہا ہے کہ بھارت نے اگرپھرکوئی جارحیت کرنے کی کوشش کی تو پاکستان کوئی کسر نہیں چھوڑے گا۔
انہوں نے کہا کہ پاکستان نے اب تک جو کچھ کیا وہ دفاعی مؤثر حکمت عملی کے تحت کیا، پاکستان نے بھارتی جارحیت پرجوابی کارروائی کرکے مزہ چکھایا۔
رانا ثنا اللہ نے کہا کہ بھارت نے پھر جارحیت کی تو پاکستان کوئی کسر نہیں چھوڑے گا،بھارت نے جھوٹے پراپیگنڈے سے اپنے ہی ملک میں افراتفری پھیلائی۔
ان کا کہنا تھا کہ بھارت نے رات کو میزائل حملہ کیا،پاکستان نے صبح بھر پور جواب دیا، بھارت کو سمجھنا چاہیے کہ اگر یہی روش رہی تو پاکستان جواب دیتا رہے گا۔
وزیراعظم کے مشیر برائے سیاسی امور رانا ثناء اللہ نے کہا کہ اگر بات یہاں سے آگے بڑھتی ہے تو ذمہ دار بھارت ہی ہوگا۔