رافیل طیاروں کی تباہی پر مودی حکومت پر رافیل ڈیل میں کرپشن اور فراڈ کے الزامات

بھارت میں رافیل طیاروں کی تباہی کے بعد رافیل ڈیل میں مودی حکومت پر  کرپشن اور فراڈ سے متعلق الزامات لگنا شروع ہو گئے ہیں  ۔

سینئر صحافی اور تجزیہ کار حامد میر نےکہا کہ بھارت کی اپوزیشن پارٹی کانگریس نے کہا کہ ہم رافیل طیاروں پر بہت زیادہ انحصار کررہے تھے جب کہ راہول گاندھی نے پہلے ہی رافیل ڈیل پر بات کی تھی کہ رافیل ڈیل میں کرپشن کی گئی ہے اور اربوں ڈالر کا فراڈ کیا گیا ہے۔

سینئر صحافی نےبتایا کہ کانگریس کے مطابق رافیل ڈیل کے وقت بے جے پی حکومت کے وزیر دفاع منوہر پاریکر بھی اس ڈیل کا حصہ نہیں بنے تھے اور انہیں استعفیٰ دینا پڑا تھا۔

واضح رہےپاکستان نے بھارتی جارحیت کا جواب دیتے ہوئے آج صبح ادھم پور، آدم پور اور پٹھان کوٹ ائیر بیسز سمیت کئی ائیر فیلڈز کو تباہ کر دیا جب کہ بھارتی ریاست مہاراشٹرا کی الیکٹرک کمپنی پر سائبر حملہ کرکے بجلی کا نظام مکمل طور پر جام کر دیا اور ملٹری سیٹیلائٹ کو بھی جام کردیا۔

اس کےعلاوہ بھارتی وزیر اعظم نریندر مودی کی ریاست گجرات میں پاکستانی ڈرونز کئی گھنٹوں تک پرواز کرتےرہے، پاکستان نےبھارت کی بھٹنڈا ائیر فیلڈ کو بھی تباہ کردیا۔

حامد میرنےمزید کہا کہ بھارت کا ائیر ڈیفنس سسٹم (S-400) جو روس سے ڈیڑھ ارب ڈالر میں لیا گیا اسے بھی آج صبح 10 مئی کو پاکستان نےتباہ کیا جس کے بعد انڈیا میں نئی بحث کا آغاز ہوگیا ہے۔