بی جے پی وزیر نے بھارتی فوجی مسلم افسر کرنل صوفیہ کو دہشت گردوں کی بہن قرار دے دیا

 بی جے پی کے سینئر رہنما اور مدھیہ پردیش کے وزیر وجے شاہ نے بھارتی فوج میں ایک مسلمان افسر کرنل صوفیہ قریشی کو "دہشت گردوں کی بہن" قرار دے دیا۔

واضح رہے کہ کرنل صوفیہ قریشی نے آپریشن سندور سے متعلق پریس بریفنگ کے دوران بھارتی فوج کی نمائندگی کی تھی، جہاں انہوں نے میڈیا کو پاک فوج کے ہاتھوں بھارت کو ہونے والے نقصانات سے آگاہ کیا۔

وجے شاہ مبینہ طور پر ایک مسلمان افسر کو اپنی ذمہ داریاں نبھانے کو برداشت کرنے سے قاصر تھے اور انہوں نے کرنل صوفیہ کو "دہشت گردوں کی بہن" قرار دیتے ہوئے سخت تنقید کا نشانہ بنایا۔

وجے شاہ نے کہا کہ  مودی جی نے اپنی بہن کو بھیجا کہ وہ انہیں اپنی ہی دوائی کا مزہ چکھائیں۔"

کانگریس پارٹی نے کرنل صوفیہ کے خلاف ریمارکس کی مذمت کرتے ہوئے اس تنقید کو بے بنیاد قرار دیتے ہوئے وجے شاہ کے استعفیٰ کا مطالبہ کیا ہے۔

کانگریس کارکنوں نے بھی وجے شاہ کی رہائش گاہ کے باہر احتجاج کیا اور ان کے نام کی تختی کو سیاہ کیا۔