چیئرمین پی ٹی آئی بیرسٹر گوہر نے بیک ڈور اور فرنٹ ڈور رابطوں کی تردید کردی

اسلام آباد: پاکستان تحریک انصاف(پی ٹی آئی) کے چئیرمین بیرسٹر گوہر خان نے حکومت یا اسٹیبلشمنٹ کے ساتھ بیک ڈور اور فرنٹ ڈور رابطوں کی تردید کر دی۔
اسلام آبادمیںمیڈیا سے گفتگو کرتے ہوئے گوہر علی کا کہنا تھا کہ اب بہت ہو چکا، ملک کو مزید کشیدگی کا متحمل نہیں ہونا چاہیئے، وقت آ گیا ہے کہ معاملات کو سنجیدگی سے سلجھایا جائے۔
انہوں نے کہا کہ پی ٹی آئی کے بانی رہنما کبھی بھی کسی خفیہ معاہدے یا مفاہمت پر آمادہ نہیں ہوں گے، ان کی اہلیہ اس وقت جیل میں ہیں، ایسے میں کسی بھی قسم کی ڈیل کا سوال ہی پیدا نہیں ہوتا۔
بیرسٹر گوہر نے افواج پاکستان نے بھارت کا غرور خاک میں ملایا ،پاکستان کو اللہ نے کامیابی عطا کی ہے ،پاکستان میں سیاسی سیزفائر ہونا چاہیے یہ ملک اور سسٹم کیلئے بہتر ہے۔
دوسری جانب سیکریٹری اطلاعات پی ٹی آئی شیخ وقاص نے پشاور ہائیکورٹ کے باہر میڈیا سے گفتگو کرتے ہوئے کہا کہ اس بات میں صداقت نہیں کہ ہم مذاکرات میں نہیں بیٹھنا چاہتے،مذاکرات کس بنیاد پر ہونگے یہ دیکھنا ہو گا۔