اسلام آباد : وزیراعظم کی آئی ایم ایف وفد سے ملاقات، جاری اصلاحات پر اطمینان کا اظہار

اسلام آباد : وزیراعظم شہبازشریف کی عالمی مالیاتی فنڈ (آئی ایم ایف) کے وفد سے  ملاقات ہوئی ،  ملاقات میں پاکستان کے جاری آئی ایم ایف کے پروگرام پرگفتگو کی گئی۔

ملاقات میں حکومت کی آئی ایم ایف پروگرام پر عمل کےحوالےسےمعاشی اصلاحات اور مثبت نتائج پر اطمینان کا اظہار کیا گیا، وفد نے پاکستان کےاصلاحات اور معاشی استحکام و ترقی میں آئی ایم ایف کی جانب سے تعاون جاری رکھنے کا اظہار کیا۔ 

ملاقات میں وفاقی وزرا محمد اورنگزیب، احد خان چیمہ، سیکریٹری خزانہ امداد اللہ بوسال، چیئرمین ایف بی آرراشد محمود لنگڑیال اور متعلقہ اعلیٰ حکام نےبھی شرکت کی۔

اس موقع پروزیراعظم شہباز شریف نےواضح کیا ہےکہ پاکستان معاشی استحکام کے بعد ترقی کی جانب گامزن ہے،اولین ترجیح ہےکہ میکرواکنامک اصلاحات کے ساتھ ادارہ جاتی اصلاحات میں بھی تیزی لائی جائے۔