معیشت کے لیےاچھی خبر،آذر بائیجان کا پاکستان میں اربوں ڈالر کی سرمایہ کاری کا اعلان

لاچین:پاکستانی معیشت کے لیےاچھی خبر،بردار اسلامی ملک آذربائیجان نے پاکستان میں اربوں ڈالر کی سرمایہ کاری کرنے کا اعلان کردیا۔
لاچین میںجاری پاکستان، ترکیہ اور آذربائیجان سہ افریقی اجلاس سے خطاب کرتے ہوئے آذربائیجان کے صدر الہام علیوف کا کہنا تھا کہ پاکستان، ترکیہ اور آذربائیجان مشترکہ تاریخ اور ثقافت میں بندھے ہیں، تینوں ممالک مشترکہ اہداف کے حصول کیلئے مل کر آگے بڑھ رہے ہیں۔
صدر الہام علیوف نے کہا کہ آذربائیجان پاکستان میں 2 ارب ڈالر کی سرمایہ کاری کرے گا اور  اس حوالے سے سرمایہ کاری کے منصوبوں کا جائزہ لے رہےہیں۔
انہوں نے کہا کہ 2020 میں ہونے والی جنگ میں ترکیہ اور پاکستان نے ہماری بھرپور مدد کی جس کے لیے ہم ان کے شکر گزار ہے۔
صدر آذربائیجان نے کہا کہ پاکستان اور ترکیےکے ساتھ دفاع سمیت مختلف شعبوں میں شراکت داری کو فروغ دے رہے ہیں، تینوں ملکوں کے درمیان دفاعی شعبے میں تعاون کے وسیع امکانات ہیں اور یہ تعاون علاقائی استحکام کےلیے اہم ہے ،ان کا مزید کہنا تھا کہ، ترکیہ اور پاکستان کے ساتھ سیاحت کے شعبے میں بھی کام کرنا چاہتے ہیں۔
صدر الہام علیوف کا کہنا تھا کہ پاک بھارت کشیدگی ہمارے لئے انتہائی پریشان کن تھی، تنازعات کو پر امن طریقے سے حل کرنا چاہیے، پاکستان اور بھارت کے درمیان حالیہ جنگ میں آذربائیجان نے پاکستان سے مکمل اظہار یکجہتی کیا۔