دو روز کی کمی کے بعد سونا آج پھر مہنگا ،فی تولہ کتنے کا ہو گیا؟

کراچی:دوروز کی کمی کے بعد عالمی اور مقامی مارکیٹوں میں سونا آج مہنگا ہو گیا۔ 
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے تیسرے روزمقامی مارکیٹوں میں فی تولہ سونے کی قیمت میں 1ہزار 400روپے کا اضافہ ریکارڈ کیا گیا ہے جس کے بعد سونے کی نئی قیمت  3لاکھ 49ہزار 300روپے کی سطح پر آگئی۔
اسی طرح 10 گرام سونے کی قیمت میں 1ہزار 200روپے کا اضافہ ریکارڈ کیا گیا ہے جس کے بعد سونے کی نئی قیمت بڑھ کر 2لاکھ 99ہزار 468روپے کی سطح پر پہنچ گئی۔
دوسری جانب عالمی بلین مارکیٹ میں فی اونس سونے کی قیمت 14ڈالر کے اضافے سے 3ہزار 309ڈالر کی سطح پر آگئی۔