پنجاب ریونیو اتھارٹی کی شاندار کارکردگی، ٹیکس وصولی میں گزشتہ سال کے مقابلے میں 16 فیصد اضافہ

لاہور : ترجمان پی آر اے کے مطابق گزشتہ ماہ مئی  میں پنجاب ریونیو اتھارٹی نے  ٹیکس  محصولات کی مد میں26.12 بلین   روپے کا ریکارڈ ٹیکس اکھٹا کیا،  یہ وصولی گزشتہ  سال  ماہ مئی  سے 23 فیصد زیادہ ہے ۔

 پنجاب ریونیو اتھارٹی نے رواں مالی  سال میں جولائی سے مئی تک ٹیکس محصولات  کی مد میں 240 بلین  روپے  کا ٹیکس جمع کیا ۔ 

ترجمان  پی آر اے کے مطابق یہ وصولی گزشتہ سال کے مقابلے میں 16 فیصد زیادہ ہے ۔ 

 رواں مالی سال میں جولائی سے مئی  تک  پنجاب سیلز ٹیکس کی مد میں  225 بلین  روپے اکھٹے  کیے گے جو گزشتہ سال کے مقابلے میں  16  فیصد زیادہ ہے ۔

 جب کہ رواں مالی سال جولائی سے مئی  تک  پنجاب ورکرز ویلفیئر فنڈز کی مد میں 9.3 بلین  روپے ، 30 فیصد گروتھ دیکھی گئی ۔ 

رواں مالی سال میں جولائی سے مئی  تک  پنجاب انفراسٹکچر ڈویلپمنٹ سیس کے تحت 5.6 بلین   روپے اکھٹا ہوئے جس میں 18 فیصد گروتھ دیکھی گئی ۔

قابل غور بات ہے کہ رواں مالی سال میں کوئی نیا ٹیکس نہیں لگایا گیا نہ ہی ٹیکس ریٹ میں اضافہ کیا  گیا  ہے ۔

واضح رہے کہ ترجمان پی آر اے کا کہنا ہے کہ موثر حکمت عملی اور جدید ٹیکنالوجی کے موثر استعمال کے باعث پر امید ہیں  کہ اس سال بھی ٹیکس کا مقرہ  ہدف  کامیابی  سے عبور کر لیں گے ۔