شیخوپورہ:پرانی دشمنی پر فائرنگ سے 2 بھائیوں سمیت 3 افراد قتل

شیخوپورہ: وسطی پنجاب کے ضلع شیخوپورہ کی تحصیل مریدکے میں پرانی دشمنی پر فائرنگ سے 2 بھائیوں سمیت 3 افراد قتل ہو گئے۔

شیخوپورہ کی تحصیل مریدکے کے نواحی علاقے ننگل ساہداں میں پیش آیا جہاںفائرنگ سے دو بھائیوں سمیت 3 افراد جاں بحق ہوگئے۔

پولیس کے مطابق واقعہ پرانی دشمنی کا شاخسانہ ہے، مقتولین میں لطیف سراء ایڈووکیٹ، رانا سفیان اور ایک راہ گیر شامل ہیں۔

پولیس کے مطابق فائرنگ دو موٹر سائیکل سوار مسلح ملزمان نے کی، جو واردات کے بعد فرار ہونے میں کامیاب ہو گئے،جاں بحق ہونے والوں میں معروف وکیل لطیف سراء ایڈووکیٹ، ان کے بھائی رانا سفیان اور ایک راہ گیر شہری شامل ہے۔

واقعے کی اطلاع ملتے ہی مریدکے پولیس موقع پر پہنچ گئی اور ملزمان کی گرفتاری کے لیے علاقے کی ناکہ بندی کر دی گئی ہے۔

پولیس کا کہنا ہے کہ سفاک قاتلوں کی گرفتاری کے لیے مختلف مقامات پر چھاپے مارے جا رہے ہیں۔