اسرائیلی جارحیت جاری،تازہ حملوں میں اصفہان کی جوہری تنصیبات کو نشانہ بنایا،ایرانی میڈیا

اصفہان: ایرانی سرز مین پر اسرائیلی جارحیت جاری ہے،آج صبح تازہ حملوں میں اسرائیل نے اصفہان کے قریب جوہری تنصبیات کو نشانہ بنایا ہے۔

ایرانی میڈیا کے مطابق شہر اصفہان میں بھی دھماکا سنا گیا ہے، نیوکلیئر سائٹ سے کسی خطرناک مواد کا اخراج نہیں ہو رہا ہے، نیوکلیئر سائٹ کو ہونے والے نقصانات سے متعلق ابھی تک کوئی معلومات سامنے نہیں آئی ہیں۔

ایرانی میڈیا کا کہنا ہے کہ اسرائیلی فضائیہ نے وسطی ایران میں بھی حملے کیے ہیں۔

دوسری جانب اسرائیلی میڈیا نے دعویٰ کیا ہے کہ وسطی ایران میں میزائل اسٹوریج اور لانچنگ انفراسٹرکچر کو نشانہ بنایا گیا ہے۔

اس معاملے پر عرب میڈیا کا کہنا ہے کہ اسرائیلی طیاروں نے تہران کے جنوب میں واقع شہر قم میں ایک رہائشی عمارت کو بھی نشانہ بنایا ہے۔
دوسری جانب اسرائیلی جارحیت پر بھرپور جوابی کارروائی کرتے ہوئے ایران نے بھی اسرائیل پر تازہ میزائل حملے کیے ہیں جس سے پورے اسرائیل میں دھماکوں اور سائرن کی آوازیں سنائی دینے لگی۔

غیر ملکی میڈیا کے مطابق ایرانی حملوںمیں متعدد افراد ہلاک اور سینکڑوں زخمی ہوئے ہیں۔