الیکشن کمیشن کا وفاقی وزیر کیخلاف مقدمہ درج کرنے کا حکم

تفصیلات کے مطابق  آزاد کشمیر   انتخابات میں  ضابطہ اخلاق کی خلاف ورزی کرنے پر الیکشن کمیشن حرکت میں آگیا۔ڈڈیال میں  علی امین گنڈا پور کی پیسے  تقسیم کرنے کی فوٹیج پر ایکشن لینے کا فیصلہ کرلیا،  پیسے تقسیم کرنے والوں کے خلاف مقدمہ درج کرنے کا فیصلہ کر گیا ۔

الیکشن کمیشن آزاد کشمیرنے پاکستان الیکش کمیشن کو بھی خط لکھنے کا فیصلہ کیا ہے ۔ پاکستان کے  وفاقی وزرا آزاد کشمیر الیکشن مہم میں ضابطہ اخلاق کی خلاف ورزیاں کر رہے ہیں انکے خلاف تادیبی کارروائی کی جائے۔

واضح رہےکہ آزاد کشمیر کی انتخابی مہم میں جلسے کے دوران علی امین گنڈاپور کی ویڈیو سامنے آئی تھی جس میں وہ پیسے تقسیم کررہے تھے۔جس پر  آزاد کشمیر کے چیف الیکشن کمشنر نے وزیراعظم عمران خان کو خط لکھا تھا۔

خط میں کہا گیا تھاکہ وفاقی وزرا کوالیکشن کوڈ آف کنڈکٹ 2021 کی خلاف ورزی سے روکا جائے اور صوبائی وزرا کو بھی الیکشن کوڈ آف کنڈکٹ پر پابندی کی ہدایت کریں۔