لاہور ہائیکورٹ نے پی ٹی آئی رہنما صنم جاوید کی ضمانت منظور کرلی

لاہور ہائیکورٹ نے ریاست مخالف مواد اپ لوڈ کرنے کے مقدمے میں پی ٹی آئی کی خاتون رہنما صنم جاوید کی ضمانت منظور کرلی۔

تفصیلات کے مطابق جسٹس فاروق حیدر نےصنم جاویدکی ضمانت بعدازگرفتاری پرسماعت کی اورپانچ لاکھ روپےمچلکوں کے عوض ضمانت منظورکرلی۔

دوران سماعت صنم جاوید کی جانب سےمیاں علی اشفاق ایڈووکیٹ عدالت میں پیش ہوئے۔

دوران سماعت درخواست گزار کے وکیل نے مؤقف اختیارکیاگیا کہ صنم جاوید نےریاست مخالف بات نہیں کی،عدالت صنم جاوید کی ضمانت منظورکرے۔
ایف آئی اے لاہور نےضمانت کی مخالفت کی،تاہم عدالت نےضمانت منظورکرتے ہوئےصنم جاوید کو رہا کرنے کا حکم دے دیا۔

خیال رہے کہ وفاقی تحقیقاتی ادارے(ایف آئی اے) نےریاست مخالف مواد اپلوڈ کرنے پر صنم جاوید کیخلاف مقدمہ درج کیا تھا۔