ملک بھر میں بارش، آندھی اور سیلاب کا خطرہ؛ این ڈی ایم اے کا نیا الرٹ جاری

نیشنل ڈیزاسٹر مینجمنٹ اتھارٹی (این ڈی ایم اے) نے ملک کے مختلف علاقوں میں موسلا دھار بارش، آندھی، طوفان اور ممکنہ سیلابی صورتحال کے پیشِ نظر نیا الرٹ جاری کر دیا ہے۔

ترجمان این ڈی ایم اے کے مطابق:

پنجاب:

اسلام آباد، راولپنڈی، اٹک، جہلم، چکوال، میانوالی، سرگودھا، خوشاب، گوجرانوالہ، گجرات، فیصل آباد، لاہور، قصور، اوکاڑہ، ملتان، خانیوال، بہاولپور، بہاولنگر، رحیم یارخان اور ڈیرہ غازی خان میں آندھی، گرج چمک اور تیز بارش کا امکان ہے۔

خیبرپختونخوا:

دیر، سوات، چترال، کوہستان، شانگلہ، بونیر، بٹگرام، صوابی، نوشہرہ، چارسدہ، ملاکنڈ، مانسہرہ، ایبٹ آباد، پشاور، مردان، ہری پور، بنوں اور کوہاٹ میں شدید بارش اور طوفانی ہواؤں کی پیشگوئی کی گئی ہے۔

گلگت بلتستان:

گلگت، اسکردو، ہنزہ، استور، دیامر، گانچھے اور شگر میں موسلا دھار بارشوں کے ساتھ ندی نالوں میں طغیانی اور لینڈ سلائیڈنگ کا خدشہ ہے۔

آزاد کشمیر:

مظفرآباد، وادی نیلم، راولا کوٹ، حویلی اور باغ میں شدید بارشوں اور ممکنہ سیلابی صورتحال کی وارننگ جاری کی گئی ہے۔

سندھ:

کراچی، حیدرآباد، سکھر، نوابشاہ، کشمور، تھرپارکر، میرپورخاص، عمرکوٹ، سانگھڑ، جامشورو، ٹنڈوالہ یار، ٹھٹہ، بدین، مٹھی، گھوٹکی، خیرپور، شکارپور، لاڑکانہ، جیکب آباد اور دادو میں بھی بارش کی پیشگوئی کی گئی ہے۔

بلوچستان:

کوئٹہ، ژوب، زیارت، قلات، خضدار، آواران، بارکھان، جعفرآباد، کوہلو، سبی، ڈیرہ بگٹی، لورالائی، لسبیلہ اور نصیرآباد میں بارشوں کا امکان ظاہر کیا گیا ہے۔

این ڈی ایم اے نے شہری علاقوں میں اربن فلڈنگ، جبکہ پہاڑی اور دریا کے قریب علاقوں میں لینڈ سلائیڈنگ اور طغیانی کے خطرات سے خبردار کرتے ہوئے عوام کو احتیاطی تدابیر اختیار کرنے کی ہدایت کی ہے۔