باجوڑ:سیکیورٹی فورسزکی کارروائی، ریحان زیب اور مولاناخان زیب کےقتل میں ملوث دہشتگرد مارا گیا

باجوڑ: خیبر پختونخوا کے ضلع  باجوڑ  میں سیکیورٹی فورسز کی کارروائی میں پی ٹی آئی رہنما ریحان  زیب اور اے این پی کے  رہنما مولانا خان زیب کے قتل میں ملوث دہشت گرد ضیاءالدین عرف ابراہیم ادریس ماراگیا۔

سیکیورٹی ذرائع کے مطابق کوثر کے علاقے میں کارروائی کے دوران ہلاک دہشت گرد دیگر بھی  متعدد ہائی پروفائل ٹارگٹ کلنگز میں ملوث تھا۔

سیکیورٹی ذرائع کا کہنا ہےکہ دہشت گرد ڈپٹی کمشنر ناوگئی اور جے یو آئی کے ارکان کے قتل میں بھی شامل تھا،ذرائع کا مزید کہنا ہے کہ ہلاک دہشت گرد نے متعدد پولیس اہلکاروں کو بھی قتل کیا۔

سیکیورٹی ذرائع کے مطابق دہشت گرد ضیاء الدین طالبان کےکابل پر قبضے سے قبل افغان جیل میں قید تھا، مگر سال 2021 میں طالبان کے اقتدار میں آنےکے بعد دہشت گرد ضیاء الدین کو رہا کر دیا گیا تھا۔

ذرائع کا مزید کہنا تھا کہ ضیاء الدین 2023 میں افغانستان سے پاکستان داخل ہوا تھا، دہشت گرد ضیاءالدین کی ہلاکت سے داعش خراسان کے نیٹ ورک کو بڑا دھچکا لگا ہے۔